Veiðitölur farnar að berast úr laxveiðiánum frá Landssambandi Veiðifélaga

Eitt af því sem laxveiðimenn fylgjast vel með þá er það vikuleg uppfærsla á laxveiðitölum frá Landssambandi Veiðifélaga.

Á heimasíðufélagsins, sem þú finnur hér, má finna vikulega uppfærslu á veiðitölum úr laxveiðiánum.  Það er Þorsteinn Þorsteinsson sem heldur utan um þessa gagnaölfun sem fyrr sem er oft svo spennandi að veiðimenn bíða límdir við skjáinn daginn sem uppfærsla er í nánd til að sjá hvernig ánni sem á að veiða reiðir af í hverri viku.  Fyrstu tölurnar eru þó bara úr þesim tveimur ám sem þegar hafa opnað fyrir veiðimenn en það er Norðurá og Blanda.  Norðurá hefur gefið 34 laxa á 8 stangir en stangarfjöldin á eftir að aukast þegar líður á tímabilið, og svo Blanda með 22 laxa á 4 stangir.  Norðurá er búin að hreinsa sig og lækkað mikið í vatni og er veiðin þar alveg í takt við væntingar, sama má segja um Blöndu.  Nú fara árnar að opna hver af annari og við getum ekki annað en vonað að sumarið verði gott.