Knattspyrnusamband Ítalíu hefur sent Knattspyrnusambandi Evrópu formlega kvörtun vegna vallarins sem spilað var á þegar Króatía mætti Ítölum í undankeppni EM 2016 í kvöld.
Eins og greina má á meðfylgjandi mynd virðist sem að grasið á vellinum hafi verið slegið þannig að hakakross kemur í ljós.
Leikurinn í kvöld fór fram fyrir luktum dyrum í refsingarskyni fyrir króatíska sambandið vegna hegðunar króatískra áhorfenda í leik liðanna á San Siro í nóvember.
Fulltrúar ítalska knattspyrnusambandsins kvörtuðu undan þessu að loknum fyrri hálfleik en vallarstarfsmenn gerðu að vellinum í leikhlénu.
Leiknum í kvöld lyktaði með 1-1 jafntefli.
Ítalía kvartar | Hakakross í grasinu í Króatíu

Tengdar fréttir

Mandzukic í aðalhlutverki er Króatía og Ítalía skildu jöfn
Brenndi af vítaspyrnu, skoraði mark og fékk á sig dæmda vítaspyrnu í 1-1 jafnteflisleik.