Hróarslækur kominn til Iceland Outfitters

Hróarslækur er veiðisvæði sem hefur oft átt frábæra spretti en áin er einstaklega þægileg að veiða og fín fyrir byrjendur sem lengra komna.

Veiðifélagið Iceland Outfitters  með Stefán Sigurðsson í fararbroddi hefur tekið að sér að selja leyfi í ánna fyrir kom andi sumar.  Veiðin hefur oft verið mjög góð og fylgir oftar en ekki taktinum í Ytri Rangá hvað varðar tímasetningar á fyrstu göngunum.  Áin rennur í Ytri Rangá við eystri bakkann rétt til móts við veiðistaðinn Gunnugilsbreiðu í Ytri Rangá en óheimilt er að veiða ósinn á ánni.  Fyrsti veiðistaðurinn er rétt fyrir ofan ósinn og þar getur oft safnast saman mikið af fiski.

Hróarslækur hefur bæði staðbundin bleikjustofn og urriða en með góðu átaki í sleppingum á laxaseiðum síðustu ár hefur áin betur verið þekkt sem laxveiðiá.  Veiðistaðirnir eru margir og veiðisvæðið drjúgt en þekktasti veiðistaðurinn er þó hylurinn milli gömlu brúar og nýju brúar yfir þjóðveg 1 en þar undir á laxinn það oft til að bunkast upp, sérstaklega þegar hann er í göngu.  Veiðileyfin eru seld sem stakir dagar án hús og er verðið 12-28.000 fyrir daginn sem er með ódýrari laxveiðileyfum í dag.