Gráttu frá þér streitu

Það er hægt að fá allskyns þematengd hótelherbergi, sérstaklega í Japan og ekki þverra hugmyndirnar þegar kemur að nýju þema.

Nýlega bauð Mitsui Garden Yotsuya hótelið í Tókíó í Japan upp á þá nýjung að gestir geti fengið sér sérstök grátherbergi.

Herbergin eru sérstaklega útbúin með mjúkum eðalþurrkum, sorglegri mynd, farðahreinsi og augnmaska svo enginn þurfi að sjá ummerki grátursins. Herbergið kostar um 10.000 kr nóttin.

Mannveran er eina skepnan sem virðist gráta með tárum útfrá tilfinningalegum ástæðum.

Grátur losar um tilfinningar og getur dregið úr streitu svo það er ekki vitlaust að leyfa sér að losa aðeins um og gráta smá. Ef þú átt erfitt með að koma tárkirtlunum af stað þá er ekki ósennilegt að Bonnie Tyler geti aðstoðað þig eða þú getur splæst í eina bíómynd eða tvær, sem kippa í hjartastrengina.