Heimagert ávaxtasælgæti

Ein leið til að nýta ávexti sem liggja undir skemmdum (eða jafnvel bara til að nýta á annan hátt en borða ferska) er að þurrka þá og breyta í hálgert leðurlíki, oft kallað ávaxtaleður.

Þetta er svona mitt á milli gúmmís og döðlustangar.

Þú getur notað næstum hvaða ávöxt sem hugurinn girnist: jarðaber, bananar, jarðaber og bananar, rifsber, mangó, vínber, epli, perur, plómur og ferskjur.

Ávaxtaleður

875 gr af ávöxtum (flysjaður og kjarnhreinsaðir, ef notar frosna ávexti er best að bíða eftir að hafi algerlega afþiðnað)

2 msk hunang (gætir notað sambærilegt magn af döðlum sem eru orðnar að mauki)

Nokkrir dropa af sítrónusafa

Aðferð:

Hitaðu ofninn í 65-100 gráður

Hitaðu við lágan hita á pönnu ávextina og hunangið þar til safi ávaxtanna er farin að leka og hægt er að hræra saman, um 10-15 mínútur.

Gott getur verið að bæta vatni útí pönnuna hjá ávöxtum sem eru ekki mjög safaríkir svo þetta verði að góðu mauki.

Settu sítrónusafa yfir en smakkaðu til hvort þurfi meiri sætu.

Einnig má krydda með t.d. kanil eða vanilludufti ef vilt hafa slíkt með og þá er gott að leyfa að bubbla lengur á pönnunni, kannski 5-10 mínútur í viðbót.

Blandan er sett í blandarann

Blöndunni er hellt á plötu sem er vel þakin plastfilmu (eða fjölnota bökunarmottu ef átt slíkt)

Passaðu að blandan sé ekki of þykk en heldur ekki of þunn því þá breytist þetta í ávaxtasnakk

Leyfðu þessu að bakast/þorna yfir nótt í ofninum (8-12 klst)

Blandan er tilbúin þegar þetta er þurrt viðkomu og hefur slétt yfirborð

Þá er bara að rúlla þessu af plötunni (eins og pönnuköku), skera í minni sneiðar og geyma í plasti í handhægum skömmtum sem hægt er að grípa með sér

Þetta getur geymst allt að ár í frysti en um mánuð í loftæmdum umbúðum og þá er best að geyma í kæli.