Veiði

Kastað til Bata í Laxá í Kjós

Karl Lúðvíksson skrifar
Hressar konur sem tóku þátt í "Kastað til Bata" í Laxá í Kjós
Hressar konur sem tóku þátt í "Kastað til Bata" í Laxá í Kjós
Það var glatt á hjalla í veiðihúsinu við Laxá í Kjós í fyrradag en þá fór fram verkefnið "Kastað til bata" á vegum Samhjálpar kvenna, Krabbameinsfélagsins og styrktaraðila, þar sem konum er boðið til veiðiferðar.

Verkefnið hófst árið 2010 og er hugsað sem endurhæfing fyrir konur sem lokið hafa meðferð við brjóstakrabbameini. Markmiðið er að veita konum tækifæri til að styrkja sig á líkama og sál með því að æfa fluguköst í fögru umhverfi, njóta samvista við veiðifélaga með svipaða reynslu - og veiða ef heppnin er með. Vanir veiðimenn voru með í för og þrátt fyrir erfið skilyrði, ískalt og þokkaleg gola, veiddu konurnar nokkra fallega sjóbirtinga og þrátt fyrir að margar þeirra væru að kasta flugu í fyrsta skipti voru þær geysilega efnilegar.

Veiðifélagið Hreggnasi bauð konunum til veiða og þess ber að geta að allir sem komu að verkefninu gáfu vinnu sína.  

Stangveiði

Mest lesið




×

Mest lesið