Guðni Kolbeinsson hlaut Sögustein Atli Ísleifsson skrifar 9. apríl 2015 17:53 Guðni Kolbeinsson þýðandi ásamt Gunnari Helgasyni, en ný smásaga eftir Gunnar var frumflutt í öllum grunnskólum landsins í morgun í tilefni af degi barnabókarinnar. Mynd/IBBY Guðni Kolbeinsson, þýðandi og rithöfundur, hlaut í dag Sögustein, bókmenntaverðlaun IBBY á Íslandi. Verðlaunin eru 500.000 krónur, auk verðlaunagrips til eignar, en þau eru veitt rithöfundi, myndlistarmanni eða þýðanda sem með höfundarverki sínu hefur auðgað íslenskar barnabókmenntir. Í tilkynningu frá IBBY segir að það hafi verið einróma álit valnefndar að Guðni skyldi hljóta verðlaunin í ár. Dómnefndina skipa Brynja Baldursdóttur, íslenskufræðingur og kennari, Dagný Kristjánsdóttir, prófessor og Ragnheiður Gestsdóttir, rithöfundur og myndlistarmaður. „Guðni er íslenskufræðingur að mennt og hefur starfað sem kennari, málfarsráðunautur, þáttagerðarmaður, þýðandi sjónvarpsefnis, fræðimaður og rithöfundur og einhver afkastamesti og besti þýðandi barna- og unglingabóka hér á landi. Verk hans má finna á næstum hverju einasta heimili, en hann hefur kynnt nokkrar ástsælustu persónur barnabókmenntanna fyrir íslenskum ungmennum. Má þar nefna Skúla skelfi, Artemis Fowl, Herramennina og Eragon, en í raun er það ógerningur að varpa ljósi á höfundarverk Guðna í stuttu máli, svo umfangsmikið er það. Í greinargerð valnefndar segir meðal annars:Í meira en fjóra áratugi hefur Guðni Kolbeinsson unnið að þýðingum á erlendum barna- og unglingabókum sem auðgað hafa og víkkað bókmenntaheim íslenskra ungmenna. Hann hefur lagt sig fram við að þýða bækur sem eru vel skrifaðar, eiga erindi við íslensk börn og hafa leitt þau inn í gleði og sorgir barna í öðrum löndum eða nýja ævintýraheima þar sem drekar og aðrar furðuverur birtast lesendum, þeim til mikillar ánægju. … Guðni Kolbeinsson er vel að þessum verðlaunum kominn. Þakka ber enn fyrir þá alúð sem hann hefur sýnt störfum sínum og framlagi hans til bókmenntalesturs íslenskra barna og ungmenna.“Sögusteinn var fyrst afhentur á degi barnabókarinnar árið 2007. Áður hafa Sigrún Eldjárn, Kristín Steinsdóttir, Kristín Helga Gunnarsdóttir, Ragnheiður Gestsdóttir og Þórarinn Eldjárn fengið Sögustein IBBY. IBBY eru alþjóðleg samtök sem stofnuð voru 1953 og starfa nú í sjötíu og fimm löndum. Markmið samtakanna er að vinna í anda stofnandans, Jellu Lepman, sem áleit að góðar barnabækur gætu byggt brú á milli þjóða heims og miðlað fróðleik og skilningi milli ólíkra menningarsamfélaga. IBBY á Íslandi hefur starfað frá árinu 1985. Menning Mest lesið Var talin vera hommi og lögð í einelti Lífið Ísland með auga fuglsins Lífið „Við munum ekki eldast saman“ Lífið Krakkatían: Dýrin, heimsálfur og teiknimyndir Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Tæpur helmingur íbúa hefur séð myndina Bíó og sjónvarp „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Ógleymanlegt fermingarpils enn í uppáhaldi Tíska og hönnun Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Guðni Kolbeinsson, þýðandi og rithöfundur, hlaut í dag Sögustein, bókmenntaverðlaun IBBY á Íslandi. Verðlaunin eru 500.000 krónur, auk verðlaunagrips til eignar, en þau eru veitt rithöfundi, myndlistarmanni eða þýðanda sem með höfundarverki sínu hefur auðgað íslenskar barnabókmenntir. Í tilkynningu frá IBBY segir að það hafi verið einróma álit valnefndar að Guðni skyldi hljóta verðlaunin í ár. Dómnefndina skipa Brynja Baldursdóttur, íslenskufræðingur og kennari, Dagný Kristjánsdóttir, prófessor og Ragnheiður Gestsdóttir, rithöfundur og myndlistarmaður. „Guðni er íslenskufræðingur að mennt og hefur starfað sem kennari, málfarsráðunautur, þáttagerðarmaður, þýðandi sjónvarpsefnis, fræðimaður og rithöfundur og einhver afkastamesti og besti þýðandi barna- og unglingabóka hér á landi. Verk hans má finna á næstum hverju einasta heimili, en hann hefur kynnt nokkrar ástsælustu persónur barnabókmenntanna fyrir íslenskum ungmennum. Má þar nefna Skúla skelfi, Artemis Fowl, Herramennina og Eragon, en í raun er það ógerningur að varpa ljósi á höfundarverk Guðna í stuttu máli, svo umfangsmikið er það. Í greinargerð valnefndar segir meðal annars:Í meira en fjóra áratugi hefur Guðni Kolbeinsson unnið að þýðingum á erlendum barna- og unglingabókum sem auðgað hafa og víkkað bókmenntaheim íslenskra ungmenna. Hann hefur lagt sig fram við að þýða bækur sem eru vel skrifaðar, eiga erindi við íslensk börn og hafa leitt þau inn í gleði og sorgir barna í öðrum löndum eða nýja ævintýraheima þar sem drekar og aðrar furðuverur birtast lesendum, þeim til mikillar ánægju. … Guðni Kolbeinsson er vel að þessum verðlaunum kominn. Þakka ber enn fyrir þá alúð sem hann hefur sýnt störfum sínum og framlagi hans til bókmenntalesturs íslenskra barna og ungmenna.“Sögusteinn var fyrst afhentur á degi barnabókarinnar árið 2007. Áður hafa Sigrún Eldjárn, Kristín Steinsdóttir, Kristín Helga Gunnarsdóttir, Ragnheiður Gestsdóttir og Þórarinn Eldjárn fengið Sögustein IBBY. IBBY eru alþjóðleg samtök sem stofnuð voru 1953 og starfa nú í sjötíu og fimm löndum. Markmið samtakanna er að vinna í anda stofnandans, Jellu Lepman, sem áleit að góðar barnabækur gætu byggt brú á milli þjóða heims og miðlað fróðleik og skilningi milli ólíkra menningarsamfélaga. IBBY á Íslandi hefur starfað frá árinu 1985.
Menning Mest lesið Var talin vera hommi og lögð í einelti Lífið Ísland með auga fuglsins Lífið „Við munum ekki eldast saman“ Lífið Krakkatían: Dýrin, heimsálfur og teiknimyndir Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Tæpur helmingur íbúa hefur séð myndina Bíó og sjónvarp „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Ógleymanlegt fermingarpils enn í uppáhaldi Tíska og hönnun Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira