Ný kynslóð ofurfyrirsætna

Þegar Estée Lauder réði Kendall Jenner sem andlit merkisins hafði fyrirtækið í huga að nálgast almenning út frá samskiptamiðlum.

Kendall, sem er með rúmlega 21 milljón fylgjenda, sá til þess að fylgjendum Estée Lauder fjölgaði um 18% og urðu 434.000, sólarhring eftir að greint var frá því að Jenner hefði skrifað undir hjá Lauder.  

Í fyrsta tölublaði Glamour er samantekt um hina nýju kynslóð ofurfyrirsætna. Kendall Jenner, Gigi Hadid, Karlie Kloss, Jourdan Dunn og Cara Delevingne eru meðal vinsælustu fyrirsætna í heiminum í dag.

Þær sýna á tískupöllunum, prýða forsíður stærstu tímaritanna og eru andlit stórfyrirtækja.

Ný kynslóð ofurfyrirsætna er að taka yfir og eiga það sameiginlegt að nýta sér samfélagsmiðlana óspart til að auka vinsældir sínar. 

Hægt er að verða áskrifandi af tímariti Glamour hér.