Orkugefandi sjálfsfróun

Hver kannast ekki við að vera að stunda sjálfsfróun og velt því fyrir sér hvað verði um alla orkuna sem líkaminn framleiðir við þessa iðju?

Væri ekki betra fyrir pyngjuna og umhverfið ef hægt væri að geyma þessa orku og nýta hana, jafnvel til að hlaða símann sinn?

Klámvefsíðan PornHub hefur velt þessu mikið fyrir sér og búið til sérstakt armband sem framleiðir rafmagn og geymir það, með handahreyfingunni upp og niður.

Þetta armband kalla þeir Wank Band og er hægt að sækja um að vera með í prófun þess. 

Að sjálfsögðu er kynfræðingurinn búin að sækjast eftir því að vera með í slíkri prófun því framleiðendur segja svo lengi sem hönd er á hreyfingu þá framleiðist rafmagn.

Svo er USB tengi á armbandinu svo þú getur einfaldlega hlaðið fartölvuna, spjaldtölvuna eða símann, allt með eigin orku.

Ef þú vilt kynna þér þetta nánar þá er um að gera að horfa á bráðskemmtilegt myndband sem kynnir armbandið og möguleika þess enn betur.