Árbót við Laxá í Aðaldal í höndum Fishing Partners

Árbótarsvæðið í Laxá í Aðaldal er komið til FishPartners en á þessu svæði liggja oft stærstu laxar og urriðar Laxár.

Með leyfunum fylgir veiðihús við Vörðuholt sem er hið glæislegasta en þar er gistiaðstaða fyrir 6 manns og allt til alls.  Veiðistaðurinn Breiðeyri (að austanverðu) hefur nú bæst við veiðisvæðið, en það er með betri laxastöðum í ánni.   Með þessari viðbót lengist svæðið um 700 metra og nær nú frá Merkjagili, á móts við Straumeyjar og niður að Bæjarklöpp.

Silungsveiðin hefst 1. maí en besta urriðaveiðin er frá byrjun tímabilsinis og fram í byrjun júlí.  Töluvert veiðist af þriggja til fimm punda urriða en inn á milli vega þeir átta pund og jafnvel meira. Í júlí mætir laxinn á svæðið og í ágúst má finna hann í hverjum hyl.  Það er bráðnauðsynlegt að vera vopnaður bæði einhendum og tvúhendum þegar mætt er til veiða á þessu svæði og þegar kastað er fyrir lax er mælt með að taumarnir séu ekki undir 30 punda.

Kvóti verður settur á urriða. Leyfilegt verður að hirða samtals fjóra urriða á dag, undir 40cm. Þar að auki verður aukin áhersla á skráningu allra fiska. Það er gert til að varpa betra ljósi á hversu gott veiðisvæði Árbótin er í raun.  Skemmtilegt video er að finna hér af svæðinu hér.  Fyrir frekari upplýsingar má senda póst á kristjan@fishpartner.com