Aðalfundur SVFR verður haldinn 21. febrúar

Eitt af vorverkum SVFR er að halda aðalfund félagsins en þessi fundir verða oft líflegir og þá sérstaklega þegar dregur nær kosningum um stjórnarsæti.

Hér er tilkynning frá félaginu:

"Aðalfundur Stangaveiðifélags Reykjavíkur verður haldinn laugardaginn 21. febrúar 2015. Fundurinn fer fram í Rafveituheimilinu í Elliðaárdal og hefst kl. 16:00. 

Fram fara hefðbundin aðalfundarstörf en dagskrá fundarins verður birt þegar nær dregur. Á aðalfundinum verður formaður SVFR kjörinn til eins árs og kosið verður um sæti þriggja stjórnarmanna til tveggja ára. Framboðum til stjórnar skal skila skriflega til skrifstofu félagsins eigi síðar en fjórtán dögum fyrir aðalfund.

Allir skuldlausir félagsmenn 18 ára og eldri eru kjörgengir til stjórnarkjörs. Starfsfólk og stjórn SVFR hvetja félagsmenn til að fjölmenna á fundinn en rétt til setu á fundinum hafa allir félagsmenn sem eru skuldlausir við félagið.  Atkvæðisrétt hafa einungis félagsmenn 18 ára og eldri.

Kveðja

Stjórn SVFR"