Það er í raun hvorki gott að vera með of lítil né of stór en matið er huglægt og misjafnt á meðal fólks hvar fegurðarmatið liggur.
Of stór brjóst geta valdið líkamlegum og andlegum óþægindum en lítil brjóst valda kannski frekar andlegum óþægindum. Þetta er þó menningarbundið og undir hverjum einstaklingi komið hvernig metur sinn líkama.
Í vestrænum heimi leita konur gjarnan eftir brjóstastækkun ef smæð brjósta fer fyrir brjóstin á þeim.
Ástæður fyrir brjóstastækkun lítilla brjósta geta því verið ýmsar en kvenleiki er oft nefndur og þá talað um vanlíðan í tengslum við brjóstin fyrir stækkunina.
Heimildarmyndin My small breasts and I fjallar um sögu nokkurra kvenna af því að vera með lítil brjóst og rekur myndin hvaða leiðir þær fara til að reyna að stækka þau.
