Vísindin á bakvið ástina

Vísindamenn kryfja allt á milli himins og jarðar og ástin er engin undantekning þar á.

Hér eru 10 áhugaverðar staðreyndir um ástina.

1. Það tekur heilann undir sekúndu að virkja ástartilfinningar þegar þú horfir á einstaklinginn sem þú ert hrifinn af.

2. Ást og kynlöngun virkjar ólíka hluta heilans en bæði eru nokkuð flókin ferli sem virkja margar stöðvar heilans.

3. Kossar eru mikilvægir í makavali en einnig í því að viðhalda sambandinu og tengist tíðni kossa gæða sambandsins.

4. Hjónasvipur er raunverulega til. Fólk sem hefur verið saman í um 25 ár eru oft með svipaða andlitsdrætti og getur það verið út af umhverfi, persónuleika, samkennd og mataræði.

5. Fjarbúð getur gengið upp, ef fólk passar upp á að vera duglegt að deila innilegum og persónulegum upplýsingum um hvort annað og lítur hvort annað jákvæðum augum.

6. Það er búið að greina fjóra þætti sem drepa sambönd: endurtekin gagnrýni, samskipti sem einkennast af fyrirlitningu og kaldhæðni, fara í vörn, og að neita að tala um hlutina (loka á makann).

7. Fólk er kröfuhart á hjónabönd og ætlast til að það hjálpi einstaklingnum til að vaxa og þroskast en fjárfestir ekki nægum tíma í samböndin og því eru kröfurnar oft óraunhæfar.

8. Bíókvöld getur gagnast sambandinu. Það að horfa reglulega saman á myndir sem fjalla um sambönd og ræða svo um myndina getur hjálpað pörum skilja sín eigin samskipti betur.

9. Þó ástin kulni þá getur sambandið þurft að lifa í nýju formi, til dæmis vegna barna. Það virðast vera fimm algengar týpur sem fólk fellur í en mikilvægt er fyrir sambandið að reyna halda ágreiningi og rifrildum í lágmarki.

10. Litlu hlutirnir skipta máli. Þegar fólk var spurt hvað skipti þau máli í ástinni þá voru það litlu fallegu hlutirnir eins og að vera fært kaffibolli í rúmið sem skipti þau máli. Það gæti því verið betra að gera meira lítið oftar og sýna daglega væntumþykju, frekar en eitt stórt sjaldan á tyllidögum.