Veiði

Lokafrestur á umsóknum hjá SVFR er á morgun

Karl Lúðvíksson skrifar
Það komast færri en vilja til veiða í Elliðaárnar
Það komast færri en vilja til veiða í Elliðaárnar Mynd: www.svfr.is
Lokafrestur félagsmanna SVFR til að sækja um ársvæði hjá félaginu rennur út á morgun.

Nú er frestur til þess að skila inn umsóknum í úthlutun SVFR fyrir sumarið 2015 alveg að renna út.  SVFR hvetur félagsmenn sína til þess að vera ekki að bíða fram á síðustu stundu með það að senda inn umsóknir heldur að drífa í því fyrir miðnætti á föstudaginn.  Það má gera ráð fyrir því að umsóknarþunginn verði sem fyrr mestur í Elliðaárnar en svo er alveg óljóst með annað.  Léleg veiði síðasta árs gæti minnkað umsóknir í einhverjar árnar en það er samt alls ekki víst.  Sogið gaf til að mynda ekki góða veiði í fyrra en það er ákveðinn hópur veiðimanna sem heldur tryggð við ánna sama hvað gengur á í henni.  Það sem verður líklegast fróðlegt að sjá er hvernig salan á Langá verður núna þegar eingöngu má veiða með flugu í ánni.  Vinsælustu dagarnir í ánni eru þó alltaf fyrstu 10 dagarnir frá opnun.

Það má líklega reikna með góðum fjölda umsókna í Haukadalsá sem er nýtt ársvæði hjá félaginu eins er Minnivallalækur nýr í söluskrá SVFR.

Stangveiði

Mest lesið




×

Mest lesið