Búðu til þinn eigin íþróttadrykk

Ef að þú ert að stunda íþróttir í 60-90 mínútur eða minna er alveg nóg fyrir þig að drekka hreint íslenskt vatn. Sé ástundunin eitthvað mikið lengri er gott að vera með ískaldan íþróttadrykk við hendina. 

Flestir íþrótta- sem og orkudrykkir eru stútfullir af sykri og litarefnum sem er ekki alveg það ákjósanlegasta sem fer ofan í mann við ástundun íþrótta. Því getur verið gott að búa til sinn eigin drykk. Hér er uppskrift að einum góðum.

Grænn íþróttadrykkur

250 ml grænt te

2 msk hunang

150 ml hreinn granateplasafi eða annar góður og hreinn safi

1/4 tsk salt

Hitið grænt te og látið hunangið leysast upp í vatninu. Bætið safanum og saltinu út í og kælið. Drekkið ískalt.