Æfi klifur þegar ég kem heim úr skólanum

Hvað ertu gömul Lukka Mörk? „Ég er 10 ára.“

Hvenær fékkstu áhuga á klettaklifri? „Ég held ég hafi alltaf haft áhuga á klettaklifri en ég byrjaði að æfa í fyrra.“

Hvernig kom það til? „Pabbi og mamma eru í hjálparsveit og fóru að fara með mig í klifur og mér fannst það gaman.“

Notar þú mikið vegginn í herberginu þínu? „Já ég nota hann mikið. Oft þegar ég kem heim úr skólanum.“

Æfir þú þig líka annars staðar? „Já ég æfi í Klifurhúsinu og í vetur verða æfingar tvisvar í viku.“

Hefurðu verið í alvöru klettum? „Já, hér og þar þegar við erum á ferðalagi, til dæmis á Hnappavöllum í Öræfum og í Búhömrum í Esju. Svo klifruðum við á nokkrum stöðum í Ölpunum í sumar, í Chamonix og Arco.“

Eru fleiri á þínum aldri sem þú veist um sem stunda klifur? „Já, frænka mín æfir hjá fimleikafélaginu Björk. Svo eru líka fleiri á mínum aldri sem æfa í Klifurhúsinu.“

Hvað er svona heillandi við klifur? „Bara allt. Átökin og áskorunin að komast upp. Svo þegar maður er úti er það útiveran, náttúran og klettarnir.“

Áttu fleiri áhugamál? „Já ég á fleiri áhugamál eins og til dæmis skátastarf, fjallgöngur, útilegur, lestur og sund með vinkonum mínum og leika mér á stökkpöllunum.“

Í hvaða skóla ertu? „Ég er í Kársnesskóla og byrjaði í eldri Kársnes í haust.“