Baráttan gegn ebólu að tapast

Samtökin Læknar án landamæra segja að heimsbyggðin sé að tapa í baráttunni gegn ebóluveirunni.

Þau bæta við að ástandið hjá meðferðarstöðvum í Vestur-Afríku sé orðið þannig að þangað komi fólk til að „deyja eitt og yfirgefið“.

Í Líberíu hefur verið greint frá því að annar bandarískur læknir hafi smitast af veirunni.

Joanne Liu, forseti Lækna án landamæra, segir að samtökin ráði ekkert við útbreiðslu ebólu í fjórum vestur-afrískum löndum og kallar eftir meiri aðstoð til að berjast gegn veirunni.