Að skapa saman betri framtíð um allt Ísland Gunnþóra Gunnarsdóttir skrifar 2. júní 2014 15:30 Fréttablaðið/GVA „Rauði þráðurinn í starfsemi Landsbyggðarvina er verkefni sem heitir Heimabyggðin mín. Því er ætlað að fá unga fólkið í hugmyndasmíð til að skapa saman betri framtíð um allt Ísland,“ segir Fríða Vala Ásbjörnsdóttir formaður Landsbyggðarvina og lýsir fyrirkomulagi verkefnisins nánar. „Verkefnið hefst á hugmyndavinnu nemenda í nokkrum skólum. Oftast byrja tíu til tólf skólar á haustin, hámarkið er tólf. Alltaf detta einhverjir úr og kalla má gott ef átta skólar skila fyrri hluta verkefnisins. Þar lýsa nemendur leiðum til að efla nærumhverfi sitt þannig að það njóti sín sem best í framtíðinni.“ Þegar Fríða Vala kynnir verkefnið á haustin kveðst hún hvetja krakkana til að vera í góðu sambandi við afa og ömmur, frændur og frænkur.Hólmvíkingarnir Bára Örk Melsted, Sunneva Guðrún Þórðardóttir og Ísak Leví Þrastarson.Mynd/Hulda Ingibjörg Rafnarsdóttir„Þó þeir fari kannski ekki eftir öllu sem eldra fólkið segi er mikilvægt að grufla aðeins í fortíðinni þegar horft er til framtíðar. Ég er næringarfræðingur og hugsa þetta svolítið sem næringu. Við þurfum frumefni og svo matreiðum við það sem okkur hentar,“ útskýrir hún. Hún kveðst líka biðja nemendur að líta til yngri barna og spyrja sig hvernig þau vilji hafa hlutina þegar þau komast á legg – eða þegar þeir sjálfir fara að eignast börn. Skil á hugmyndavinnunni eru í desember og krakkarnir þurfa að koma henni vel frá sér, að sögn formannsins. „Nokkrar hugmyndir eru valdar úr og þróaðar áfram og undir vor fer dómnefnd milli skóla og metur afraksturinn.“Öræfingarnir Stefán Freyr Jónsson, Gissur Gunnarsson, Styrmir Einarsson og Ísak Einarsson.Mynd/Svavar SigurjónssonNýlega lauk Heimabyggðarverkefninu þetta árið. Grunnskólarnir á Hólmavík og í Hofgarði í Öræfum skiptu með sér fyrstu verðlaununum, 100 þúsund krónum sem landbúnaðar-og sjávarútvegsráðuneytið lagði til. Viðurkenningar hlutu líka Víðistaðaskóli í Hafnarfirði og Grunnskólinn í Hrísey. Verðlaunahugmynd Hólmvíkinga nefnist Bókmennta- og ljóðavika á Hólmavík og gengur meðal annars út á útgáfu bókar sem allir bæjarbúar, 373 að tölu, leggi til efni í. Verkefni Öræfinga snýst um sögusafn þar sem upplýsingum um bæina í sveitinni yrðu gerð skil með skemmtilegum hætti á veitingastað þar sem heimaafurðir væru meðal annars á borðum. Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Rauði þráðurinn í starfsemi Landsbyggðarvina er verkefni sem heitir Heimabyggðin mín. Því er ætlað að fá unga fólkið í hugmyndasmíð til að skapa saman betri framtíð um allt Ísland,“ segir Fríða Vala Ásbjörnsdóttir formaður Landsbyggðarvina og lýsir fyrirkomulagi verkefnisins nánar. „Verkefnið hefst á hugmyndavinnu nemenda í nokkrum skólum. Oftast byrja tíu til tólf skólar á haustin, hámarkið er tólf. Alltaf detta einhverjir úr og kalla má gott ef átta skólar skila fyrri hluta verkefnisins. Þar lýsa nemendur leiðum til að efla nærumhverfi sitt þannig að það njóti sín sem best í framtíðinni.“ Þegar Fríða Vala kynnir verkefnið á haustin kveðst hún hvetja krakkana til að vera í góðu sambandi við afa og ömmur, frændur og frænkur.Hólmvíkingarnir Bára Örk Melsted, Sunneva Guðrún Þórðardóttir og Ísak Leví Þrastarson.Mynd/Hulda Ingibjörg Rafnarsdóttir„Þó þeir fari kannski ekki eftir öllu sem eldra fólkið segi er mikilvægt að grufla aðeins í fortíðinni þegar horft er til framtíðar. Ég er næringarfræðingur og hugsa þetta svolítið sem næringu. Við þurfum frumefni og svo matreiðum við það sem okkur hentar,“ útskýrir hún. Hún kveðst líka biðja nemendur að líta til yngri barna og spyrja sig hvernig þau vilji hafa hlutina þegar þau komast á legg – eða þegar þeir sjálfir fara að eignast börn. Skil á hugmyndavinnunni eru í desember og krakkarnir þurfa að koma henni vel frá sér, að sögn formannsins. „Nokkrar hugmyndir eru valdar úr og þróaðar áfram og undir vor fer dómnefnd milli skóla og metur afraksturinn.“Öræfingarnir Stefán Freyr Jónsson, Gissur Gunnarsson, Styrmir Einarsson og Ísak Einarsson.Mynd/Svavar SigurjónssonNýlega lauk Heimabyggðarverkefninu þetta árið. Grunnskólarnir á Hólmavík og í Hofgarði í Öræfum skiptu með sér fyrstu verðlaununum, 100 þúsund krónum sem landbúnaðar-og sjávarútvegsráðuneytið lagði til. Viðurkenningar hlutu líka Víðistaðaskóli í Hafnarfirði og Grunnskólinn í Hrísey. Verðlaunahugmynd Hólmvíkinga nefnist Bókmennta- og ljóðavika á Hólmavík og gengur meðal annars út á útgáfu bókar sem allir bæjarbúar, 373 að tölu, leggi til efni í. Verkefni Öræfinga snýst um sögusafn þar sem upplýsingum um bæina í sveitinni yrðu gerð skil með skemmtilegum hætti á veitingastað þar sem heimaafurðir væru meðal annars á borðum.
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira