Ekkert yfirgengilega framúrstefnulegt Friðrika Benónýsdóttir skrifar 19. maí 2014 09:30 Stórsveit Reykjavíkur. „Það tíðkast innan djassgeirans að vera hljóðfæraleikari og fást jafnframt við tónsmíðar,“ segir Haukur Gröndal. Á þessum tónleikum verður frumflutt tónlist eftir þrjá af meðlimum sveitarinnar, þá Kjartan Valdemarsson, Snorra Sigurðarson og mig,“ segir Haukur Gröndal um efnisskrá tónleika Stórsveitar Reykjavíkur í Hörpu í kvöld. „Það er liður í starfi þessarar hljómsveitar að frumflytja ný verk sem eru skrifuð fyrir big band.“ Haukur segir ekkert óvenjulegt við það að hljómsveit frumflytji samtímis verk eftir þrjá af meðlimunum. „Það tíðkast innan djassgeirans að vera hljóðfæraleikari og fást jafnframt við tónsmíðar,“ segir hann. „Kannski er það aðeins óvenjulegra að skrifa fyrir svona stórt batterí, en í stórsveitinni eru átján manns.“ Spurður hvort verk þeirra þriggja séu mjög ólík segir Haukur það liggja í hlutarins eðli. „Við erum mjög ólíkir tónlistarmenn og það speglast auðvitað í verkunum,“ segir hann. „Þetta skiptist þannig að það eru frumflutt fjögur verk eftir mig, tvö eftir Kjartan og tvö eftir Snorra, þannig að þetta er svona sirka klukkutíma dagskrá.“ Beðinn að skilgreina eigin verk hummar Haukur um stund en segir svo: „Það er dálítið erfitt að lýsa því beint. Ég er undir töluverðum áhrifum frá þjóðlagatónlist ýmiss konar og einnig frá útsetjara sem heitir Gil Evans, Kanadamanni sem skrifaði mikið fyrir big bönd. Mér finnst tónlist mín líka hafa ákveðinn íslenskan tón, þótt aðrir heyri það kannski ekki, því ég hef orðið fyrir pínu áhrifum frá þjóðlagatónlistinni okkar. Ég nýti áhrif héðan og þaðan þannig að þetta er ekki beint hefðbundin stórsveitartónlist, en þó ekki neitt yfirgengilega framúrstefnulegt að þessu sinni.“ Haukur hefur ekki áður samið verk fyrir Stórsveit Reykjavíkur og segist ekki fyrr hafa samið verk af þessari stærðargráðu. „Ég hef útsett töluvert af tónlist eftir aðra fyrir big bönd og síðan hef ég haldið úti sveit sem nefnist Frelsissveit Íslands og er átta manna band þar sem ég hef útsett tónlist bæði eftir sjálfan mig og aðra. Þannig að ég hef lengi fengist við að skrifa fyrir stærri hópa en þessi hefðbundnu þriggja til fjögurra manna bönd sem maður þekkir innan djassins.“Tónleikarnir eru í Kaldalóni í Hörpu og hefjast klukkan 20.30 í kvöld. Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Ég fæ morgnana til að vera bara ég“ Tónlist Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Á þessum tónleikum verður frumflutt tónlist eftir þrjá af meðlimum sveitarinnar, þá Kjartan Valdemarsson, Snorra Sigurðarson og mig,“ segir Haukur Gröndal um efnisskrá tónleika Stórsveitar Reykjavíkur í Hörpu í kvöld. „Það er liður í starfi þessarar hljómsveitar að frumflytja ný verk sem eru skrifuð fyrir big band.“ Haukur segir ekkert óvenjulegt við það að hljómsveit frumflytji samtímis verk eftir þrjá af meðlimunum. „Það tíðkast innan djassgeirans að vera hljóðfæraleikari og fást jafnframt við tónsmíðar,“ segir hann. „Kannski er það aðeins óvenjulegra að skrifa fyrir svona stórt batterí, en í stórsveitinni eru átján manns.“ Spurður hvort verk þeirra þriggja séu mjög ólík segir Haukur það liggja í hlutarins eðli. „Við erum mjög ólíkir tónlistarmenn og það speglast auðvitað í verkunum,“ segir hann. „Þetta skiptist þannig að það eru frumflutt fjögur verk eftir mig, tvö eftir Kjartan og tvö eftir Snorra, þannig að þetta er svona sirka klukkutíma dagskrá.“ Beðinn að skilgreina eigin verk hummar Haukur um stund en segir svo: „Það er dálítið erfitt að lýsa því beint. Ég er undir töluverðum áhrifum frá þjóðlagatónlist ýmiss konar og einnig frá útsetjara sem heitir Gil Evans, Kanadamanni sem skrifaði mikið fyrir big bönd. Mér finnst tónlist mín líka hafa ákveðinn íslenskan tón, þótt aðrir heyri það kannski ekki, því ég hef orðið fyrir pínu áhrifum frá þjóðlagatónlistinni okkar. Ég nýti áhrif héðan og þaðan þannig að þetta er ekki beint hefðbundin stórsveitartónlist, en þó ekki neitt yfirgengilega framúrstefnulegt að þessu sinni.“ Haukur hefur ekki áður samið verk fyrir Stórsveit Reykjavíkur og segist ekki fyrr hafa samið verk af þessari stærðargráðu. „Ég hef útsett töluvert af tónlist eftir aðra fyrir big bönd og síðan hef ég haldið úti sveit sem nefnist Frelsissveit Íslands og er átta manna band þar sem ég hef útsett tónlist bæði eftir sjálfan mig og aðra. Þannig að ég hef lengi fengist við að skrifa fyrir stærri hópa en þessi hefðbundnu þriggja til fjögurra manna bönd sem maður þekkir innan djassins.“Tónleikarnir eru í Kaldalóni í Hörpu og hefjast klukkan 20.30 í kvöld.
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Ég fæ morgnana til að vera bara ég“ Tónlist Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira