Lafði Macbeth of grimm á fastandi maga Friðrika Benónýsdóttir skrifar 19. maí 2014 10:00 Elín Ósk ásamt Antoniu Hevesi. „Ég er fyrst og fremst óperusöngkona og tækifærin hér heima eru ekkert einstaklega mörg.“ Fréttablaðið/GVA Ég ætla að flytja stórbombur óperubókmenntanna, meðal annars aríur úr Don Carlos og Á valdi örlaganna eftir Verdi,“ segir Elín Ósk Óskarsdóttir sópransöngkona spurð hvað hún ætli að bjóða tónleikagestum upp á í Hörpu í hádeginu á morgun. „Svo er ég með fræga aríu úr Manon Lescaut eftir Puccini og fleiri aríur í þessum dúr.“ Elín Ósk vakti mikla athygli og var tilnefnd til Íslensku tónlistarverðlaunanna fyrir túlkun sína á Lafði Macbeth í óperunni Macbeth eftir Verdi hjá Íslensku óperunni en hún segist ætla að gefa lafðinni frí á morgun. „Hún er dálítið grimm svona í hádeginu,“ segir hún og hlær. „Allavega á fastandi maga.“ Spurð við hvað hún sé að fást þessa mánuðina segir Elín Ósk að hún sé í fullu starfi sem söngkona, enda hafi hún valið sér það sem lífsstarf og aldrei dottið í hug að draga þá ákvörðun til baka. Hún viðurkennir þó að það geti verið barningur að hafa í sig og á með söngnum en það hafi þó gengið upp hingað til. „Ég nýti hvert tækifæri sem ég fæ í söng. Ég er fyrst og fremst óperusöngkona og tækifærin hér heima eru ekkert einstaklega mörg, sérstaklega ekki þegar maður hefur eins dramatíska rödd og ég. Hins vegar tek ég þátt í fullt af tónleikum, eða skipulegg þá sjálf ef því er að skipta og auk þess hef ég stjórnað Óperukórnum í Hafnarfirði, sem ég stofnaði, í þrettán ár.“ Elín Ósk segist ekki hafa nein niðurnegld verkefni erlendis eins og er, en það sé ýmislegt í deiglunni. „Þegar eitthvað dettur inn, hvort sem er hér heima eða erlendis, þá verður maður bara að vera tilbúinn.“Tónleikarnir á morgun eru í Norðurljósasal Hörpu, hefjast klukkan 12.15 og það er Antonía Hevesi sem leikur undir á píanó. Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Ég ætla að flytja stórbombur óperubókmenntanna, meðal annars aríur úr Don Carlos og Á valdi örlaganna eftir Verdi,“ segir Elín Ósk Óskarsdóttir sópransöngkona spurð hvað hún ætli að bjóða tónleikagestum upp á í Hörpu í hádeginu á morgun. „Svo er ég með fræga aríu úr Manon Lescaut eftir Puccini og fleiri aríur í þessum dúr.“ Elín Ósk vakti mikla athygli og var tilnefnd til Íslensku tónlistarverðlaunanna fyrir túlkun sína á Lafði Macbeth í óperunni Macbeth eftir Verdi hjá Íslensku óperunni en hún segist ætla að gefa lafðinni frí á morgun. „Hún er dálítið grimm svona í hádeginu,“ segir hún og hlær. „Allavega á fastandi maga.“ Spurð við hvað hún sé að fást þessa mánuðina segir Elín Ósk að hún sé í fullu starfi sem söngkona, enda hafi hún valið sér það sem lífsstarf og aldrei dottið í hug að draga þá ákvörðun til baka. Hún viðurkennir þó að það geti verið barningur að hafa í sig og á með söngnum en það hafi þó gengið upp hingað til. „Ég nýti hvert tækifæri sem ég fæ í söng. Ég er fyrst og fremst óperusöngkona og tækifærin hér heima eru ekkert einstaklega mörg, sérstaklega ekki þegar maður hefur eins dramatíska rödd og ég. Hins vegar tek ég þátt í fullt af tónleikum, eða skipulegg þá sjálf ef því er að skipta og auk þess hef ég stjórnað Óperukórnum í Hafnarfirði, sem ég stofnaði, í þrettán ár.“ Elín Ósk segist ekki hafa nein niðurnegld verkefni erlendis eins og er, en það sé ýmislegt í deiglunni. „Þegar eitthvað dettur inn, hvort sem er hér heima eða erlendis, þá verður maður bara að vera tilbúinn.“Tónleikarnir á morgun eru í Norðurljósasal Hörpu, hefjast klukkan 12.15 og það er Antonía Hevesi sem leikur undir á píanó.
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira