Segir bardagalistir vera eins og myndlist Ólöf Skaftadóttir skrifar 22. mars 2014 12:00 Auður Ómarsdóttir Vísir/GVA „Ég fékk bæði inni í myndlist og fatahönnun á sínum tíma en ég valdi myndlistina, eða öllu heldur valdi myndlistin mig,“ segir Auður Ómarsdóttir, en hún er listamaður vikunnar í galleríi Kunstschlager á Rauðarárstíg og opnar sýningu þar í kvöld klukkan átta. „Ég geri málverk og teikningar, innsetningar með skúlptúrum, vídeóum og gjörningum. Ég skapa mikið innan frá, en sæki einnig innblástur til mismunandi tíðnisviða, hreyfinga, minninga og náttúrunnar. Litir í mexíkóskri víðáttu, bardagalistir og sköpun lífs hafa haft mest áhrif á myndlistina þessa dagana,“ heldur hún áfram. „Svo hefur leiklistin alltaf verið leyndur draumur, en ég fékk aðalhlutverk í kvikmynd Marteins Þórssonar, XL, á móti Ólafi Darra. Það var mikill heiður að fá að vinna með þeim listamönnum, en ég varð yfir mig ástfangin og hætti snögglega við þar sem örlögin leiddu mig í aðra átt,“ útskýrir Auður, en hún er kærasta bardagakappans Gunnars Nelson, og þau eiga saman von á strák í sumar. En Gunnar er ekki einn um það að stunda MMA á heimilinu. „Bardagalistir eru eins og myndlist, maður getur upplifað fullkomið frelsi innan hvors tveggja, líkamlegt og andlegt. Þú ert alltaf að læra og verða betri og að finna leiðir sem henta þér betur, en á sama tíma staddur í algjörri óvissu og spuna. Í slíku sköpunarflæði finnur maður fyrir miklu sjálfstæði sem einstaklingur og það er góð tilfinning,“ segir Auður. Hún er stolt af galleríi Kunstschlager. „Það er vöntun á sýningarrými í Reykjavík og því er frábært að listamannarekin gallerí eins og Kunstschlager séu til. Sorglegt er þó að slík rými hafa sjaldan langan líftíma, sökum peningaskorts. Það er brjálað að gera hjá þessum galleríum því við Íslendingar eigum svo mikið af listamönnum, ég legg til að opna skuli tómu rýmin í miðbænum og að þeim sé breytt í gallerí. Það er mjög aktív myndlistarsena á Íslandi og það er frábært að taka þátt í henni,“ útskýrir Auður, en hún hefur tekið þátt í fjölda samsýninga, haldið eina einkasýningu og stefnir á að fara í haust til Akureyrar með Snorra Ásmundssyni og sýna þar stóra sýningu, með lítið barn á mjöðminni. „Við Snorri vinnum mikið saman. Við fórum saman til Mexíkó í lok síðasta árs til þess að taka þátt í listahátíð hinna dauðu. Ég kom fyrst til Mexíkó með listamanninum Spencer Tunick sem aðstoðarmaður hans. Hann tók myndir af nöktum mexíkóum milli kaktusanna. Þá varð ég fyrir andlegri vakningu og varð að heimsækja landið aftur,“ segir Auður að lokum. Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Ég fékk bæði inni í myndlist og fatahönnun á sínum tíma en ég valdi myndlistina, eða öllu heldur valdi myndlistin mig,“ segir Auður Ómarsdóttir, en hún er listamaður vikunnar í galleríi Kunstschlager á Rauðarárstíg og opnar sýningu þar í kvöld klukkan átta. „Ég geri málverk og teikningar, innsetningar með skúlptúrum, vídeóum og gjörningum. Ég skapa mikið innan frá, en sæki einnig innblástur til mismunandi tíðnisviða, hreyfinga, minninga og náttúrunnar. Litir í mexíkóskri víðáttu, bardagalistir og sköpun lífs hafa haft mest áhrif á myndlistina þessa dagana,“ heldur hún áfram. „Svo hefur leiklistin alltaf verið leyndur draumur, en ég fékk aðalhlutverk í kvikmynd Marteins Þórssonar, XL, á móti Ólafi Darra. Það var mikill heiður að fá að vinna með þeim listamönnum, en ég varð yfir mig ástfangin og hætti snögglega við þar sem örlögin leiddu mig í aðra átt,“ útskýrir Auður, en hún er kærasta bardagakappans Gunnars Nelson, og þau eiga saman von á strák í sumar. En Gunnar er ekki einn um það að stunda MMA á heimilinu. „Bardagalistir eru eins og myndlist, maður getur upplifað fullkomið frelsi innan hvors tveggja, líkamlegt og andlegt. Þú ert alltaf að læra og verða betri og að finna leiðir sem henta þér betur, en á sama tíma staddur í algjörri óvissu og spuna. Í slíku sköpunarflæði finnur maður fyrir miklu sjálfstæði sem einstaklingur og það er góð tilfinning,“ segir Auður. Hún er stolt af galleríi Kunstschlager. „Það er vöntun á sýningarrými í Reykjavík og því er frábært að listamannarekin gallerí eins og Kunstschlager séu til. Sorglegt er þó að slík rými hafa sjaldan langan líftíma, sökum peningaskorts. Það er brjálað að gera hjá þessum galleríum því við Íslendingar eigum svo mikið af listamönnum, ég legg til að opna skuli tómu rýmin í miðbænum og að þeim sé breytt í gallerí. Það er mjög aktív myndlistarsena á Íslandi og það er frábært að taka þátt í henni,“ útskýrir Auður, en hún hefur tekið þátt í fjölda samsýninga, haldið eina einkasýningu og stefnir á að fara í haust til Akureyrar með Snorra Ásmundssyni og sýna þar stóra sýningu, með lítið barn á mjöðminni. „Við Snorri vinnum mikið saman. Við fórum saman til Mexíkó í lok síðasta árs til þess að taka þátt í listahátíð hinna dauðu. Ég kom fyrst til Mexíkó með listamanninum Spencer Tunick sem aðstoðarmaður hans. Hann tók myndir af nöktum mexíkóum milli kaktusanna. Þá varð ég fyrir andlegri vakningu og varð að heimsækja landið aftur,“ segir Auður að lokum.
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira