Er eiginlega kjaftstopp 10. mars 2014 13:00 "Ég átti nú fyrr von á dauða mínum en þessu,“ segir bæjarlistamaðurinn Halldór Lárusson í Grindavík. Fréttablaðið/Anton „Ég átti nú fyrr von á dauða mínum en þessu. Þetta er mjög mikill heiður. Ég er eiginlega kjaftstopp en þykir afskaplega vænt um þetta. “ segir Halldór Lárusson, trommari og tónlistarkennari, um kjör hans sem bæjarlistamanns Grindavíkur 2014. Hann mun fá verðlaunin við setningu Menningarviku Grindavíkurbæjar á laugardaginn, 15. mars í Grindavíkurkirkju. Það verður í fyrsta skipti sem slík verðlaun verða afhent. Halldór hefur búið í Grindavík í átta og hálft ár og verið atkvæðamikill í tónlistarmenningu bæjarins. Hann kennir slagverk við tónlistarskólana í Grindavík, Garði og Sandgerði. Á síðastnefnda staðnum starfaði hann líka sem skólastjóri tímabundið. Hann stóð fyrir „opnu sviði“ á veitingastaðnum Bryggjunni alla föstudaga í júní og október á síðasta ári og þar gafst bæjarbúum og öðrum gestum kostur á að fara á svið og syngja eða spila með þekktum undirleikurum. Ég bið hann að segja mér nánar frá þeim skemmtilegheitum. „Bryggjan er lítið kaffihús alveg á bryggjunni í Grindavík og er með þeim flottari á landinu enda rekið af mikilli ástúð. Það er líka mikill menningarstaður því þar er mikið um djasstónleika og bókmenntakvöld. Síðasta ár var ég þar átta föstudagskvöld með góða tónlistarmenn með mér og bauð fólki að koma og syngja með okkur, spila eða gera hvað sem var. Það heppnaðist svona hrikalega vel. Það voru bæði heimamenn og gestir sem lögðu fram efni, sögðu jafnvel sögur.“ Halldór hefur leikið með mörgum helstu tónlistarmönnum landsins svo sem Bubba Morthens og MX-21, Rúnari Júlíussyni, Bjartmari Guðlaugssyni, Júpíters, P.S. & co, Spilafíflum, Með nöktum ásamt mörgum fleirum. Hann bjó í Hollandi um árabil og starfaði þar með ýmsu tónlistarfólki, þar á meðal Afríkuböndunum Lanyi og King Taky and Afro Roots, Seydouba Soumah, hollensku pönkhljómsveitinni The Harries og mörgum fleirum. Trommuviðgerðir og trommusmíði eru meðal viðfangsefna Halldórs. Þá er hann upphafsmaður trommusýningarinnar Trommarinn sem haldin hefur verið árlega frá 2009. Hann starfar nú að upptökum með hollensku hljómsveitinni Beesandus, tekur trommuleikinn upp í hljóðveri hér heima og sendir síðan út. Einnig vinnur hann að kennslubók fyrir unga trommuleikara og hefur nýlega hafið tökur á heimildarmynd um íslenska trommuleikara. Þess má geta að Halldór mun koma fram á tónleikum með Halli Ingólfssyni og félögum í Kaldalóni í Hörpu næsta fimmtudag, 13. mars. Þar flytja þeir efni af nýútkominni sólóplötu Halls – Öræfi. „Ég var að aðstoða Hall við gerð sólóplötunnar seint á síðasta ári,“ segir Halldór, „og það er með allra skemmtilegustu verkefnum sem ég hef tekið þátt í.“ Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Ég átti nú fyrr von á dauða mínum en þessu. Þetta er mjög mikill heiður. Ég er eiginlega kjaftstopp en þykir afskaplega vænt um þetta. “ segir Halldór Lárusson, trommari og tónlistarkennari, um kjör hans sem bæjarlistamanns Grindavíkur 2014. Hann mun fá verðlaunin við setningu Menningarviku Grindavíkurbæjar á laugardaginn, 15. mars í Grindavíkurkirkju. Það verður í fyrsta skipti sem slík verðlaun verða afhent. Halldór hefur búið í Grindavík í átta og hálft ár og verið atkvæðamikill í tónlistarmenningu bæjarins. Hann kennir slagverk við tónlistarskólana í Grindavík, Garði og Sandgerði. Á síðastnefnda staðnum starfaði hann líka sem skólastjóri tímabundið. Hann stóð fyrir „opnu sviði“ á veitingastaðnum Bryggjunni alla föstudaga í júní og október á síðasta ári og þar gafst bæjarbúum og öðrum gestum kostur á að fara á svið og syngja eða spila með þekktum undirleikurum. Ég bið hann að segja mér nánar frá þeim skemmtilegheitum. „Bryggjan er lítið kaffihús alveg á bryggjunni í Grindavík og er með þeim flottari á landinu enda rekið af mikilli ástúð. Það er líka mikill menningarstaður því þar er mikið um djasstónleika og bókmenntakvöld. Síðasta ár var ég þar átta föstudagskvöld með góða tónlistarmenn með mér og bauð fólki að koma og syngja með okkur, spila eða gera hvað sem var. Það heppnaðist svona hrikalega vel. Það voru bæði heimamenn og gestir sem lögðu fram efni, sögðu jafnvel sögur.“ Halldór hefur leikið með mörgum helstu tónlistarmönnum landsins svo sem Bubba Morthens og MX-21, Rúnari Júlíussyni, Bjartmari Guðlaugssyni, Júpíters, P.S. & co, Spilafíflum, Með nöktum ásamt mörgum fleirum. Hann bjó í Hollandi um árabil og starfaði þar með ýmsu tónlistarfólki, þar á meðal Afríkuböndunum Lanyi og King Taky and Afro Roots, Seydouba Soumah, hollensku pönkhljómsveitinni The Harries og mörgum fleirum. Trommuviðgerðir og trommusmíði eru meðal viðfangsefna Halldórs. Þá er hann upphafsmaður trommusýningarinnar Trommarinn sem haldin hefur verið árlega frá 2009. Hann starfar nú að upptökum með hollensku hljómsveitinni Beesandus, tekur trommuleikinn upp í hljóðveri hér heima og sendir síðan út. Einnig vinnur hann að kennslubók fyrir unga trommuleikara og hefur nýlega hafið tökur á heimildarmynd um íslenska trommuleikara. Þess má geta að Halldór mun koma fram á tónleikum með Halli Ingólfssyni og félögum í Kaldalóni í Hörpu næsta fimmtudag, 13. mars. Þar flytja þeir efni af nýútkominni sólóplötu Halls – Öræfi. „Ég var að aðstoða Hall við gerð sólóplötunnar seint á síðasta ári,“ segir Halldór, „og það er með allra skemmtilegustu verkefnum sem ég hef tekið þátt í.“
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira