Dansinn er frábær útflutningsvara Friðrika Benónýsdóttir skrifar 7. febrúar 2014 10:00 Valgerður Rúnarsdóttir: "Útgangspunktur okkar í sköpunarferlinu voru minningar okkar.“ Vísir/Daníel Þetta er verk sem ég vinn í mjög nánu samstarfi við dansara Íslenska dansflokksins,“ segir Valgerður Rúnarsdóttir höfundur Farangurs, eins þriggja verka sem Íslenski dansflokkurinn frumsýnir annað kvöld. „Í verkinu eru fimm dansarar og útgangspunktur okkar í sköpunarferlinu voru minningar okkar og hvernig minningar breytast, ekki síst í frásögnum.“ Þótt Valgerður sé höfundur verksins segist hún engan veginn hafa verið einhver einvaldur. „Ég varpa fram einhverjum hugmyndum, þau taka þær lengra, síðan köstum við boltanum á milli okkar og úr verður sýning.“ Tónlistin sem Valgerður samdi dansana við er eftir Daníel Bjarnason. „Þetta eru nokkur tónverk sem Daníel hefur gefið út,“ útskýrir hún. „Tónlistin hans er svo æðisleg og gaman að fá að nota hana. Síðan erum við reyndar líka að nota nokkur dægurlög, en grunnurinn er tónlistin hans Danna.“ Valgerður dansaði sjálf með Íslenska dansflokknum í nokkur ár en hefur undanfarin ár unnið með einum eftirsóttasta danshöfundi heims, Sidi Larbi Cherkaoui frá Belgíu. „Hann er stórstjarna í dansheiminum og því samstarfi hafa fylgt mjög mikil ferðalög, núna síðast um Brasilíu,“ segir hún. „En ég bý hér heima og fer bara í túra eins og tónlistarfólk gerir gjarna. Þannig að ég hef mikið búið í ferðatöskum undanfarin ár.“Í verkinu Farangur dansa fimm dansarar.Og hvað er fram undan eftir frumsýningu? „Farangur fer til Ítalíu í apríl og vonandi víðar. Erlendar hátíðir eru forvitnar um hvað er að gerast á Íslandi og þá sérstaklega það sem íslenskir danshöfundar eru að gera. Annars ætla ég bara að vera hérna heima, halda áfram að vinna og fara með sýningarnar mínar í útrás erlendis. Dansinn er svo frábær útflutningsvara, engir tungumálaörðugleikar, við erum ekki með stóra sviðsmynd, það þarf bara að taka nokkra dansara og búninga og leggja af stað.“ Hin verkin tvö sem mynda þríleikinn eru Berserkir eftir danska danshöfundinn Lene Boel og Tilbrigði eftir Láru Stefánsdóttur, listrænan stjórnanda Íslenska dansflokksins. Tilbrigði er eindans sem sameinar dans og tónlistarflutning en Bryndís Halla Gylfadóttir, leiðandi sellóleikari Sinfóníuhljómsveitar Íslands, leikur tónverk finnska tónskáldsins Jeans Sibelius, Theme and variations for Solo Cello, frá 1887. Dansarinn er eins og endurkast af tónlistinni, leikur með tilbrigði, endurtekin form og blæbrigði. Í verki Lene Boel, Berserkir, er blandað saman break, nútímadansi og ballett með akróbatísku tvisti. Verkið tengir saman fortíðina og nútíðina en Lene leitaði innblásturs í rúnir, víkinga, tölvuleiki og raunveruleikaþætti við gerð verksins. Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Ein lausn er að liggja hlið við hlið og fróa sér Lífið „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Þetta er verk sem ég vinn í mjög nánu samstarfi við dansara Íslenska dansflokksins,“ segir Valgerður Rúnarsdóttir höfundur Farangurs, eins þriggja verka sem Íslenski dansflokkurinn frumsýnir annað kvöld. „Í verkinu eru fimm dansarar og útgangspunktur okkar í sköpunarferlinu voru minningar okkar og hvernig minningar breytast, ekki síst í frásögnum.“ Þótt Valgerður sé höfundur verksins segist hún engan veginn hafa verið einhver einvaldur. „Ég varpa fram einhverjum hugmyndum, þau taka þær lengra, síðan köstum við boltanum á milli okkar og úr verður sýning.“ Tónlistin sem Valgerður samdi dansana við er eftir Daníel Bjarnason. „Þetta eru nokkur tónverk sem Daníel hefur gefið út,“ útskýrir hún. „Tónlistin hans er svo æðisleg og gaman að fá að nota hana. Síðan erum við reyndar líka að nota nokkur dægurlög, en grunnurinn er tónlistin hans Danna.“ Valgerður dansaði sjálf með Íslenska dansflokknum í nokkur ár en hefur undanfarin ár unnið með einum eftirsóttasta danshöfundi heims, Sidi Larbi Cherkaoui frá Belgíu. „Hann er stórstjarna í dansheiminum og því samstarfi hafa fylgt mjög mikil ferðalög, núna síðast um Brasilíu,“ segir hún. „En ég bý hér heima og fer bara í túra eins og tónlistarfólk gerir gjarna. Þannig að ég hef mikið búið í ferðatöskum undanfarin ár.“Í verkinu Farangur dansa fimm dansarar.Og hvað er fram undan eftir frumsýningu? „Farangur fer til Ítalíu í apríl og vonandi víðar. Erlendar hátíðir eru forvitnar um hvað er að gerast á Íslandi og þá sérstaklega það sem íslenskir danshöfundar eru að gera. Annars ætla ég bara að vera hérna heima, halda áfram að vinna og fara með sýningarnar mínar í útrás erlendis. Dansinn er svo frábær útflutningsvara, engir tungumálaörðugleikar, við erum ekki með stóra sviðsmynd, það þarf bara að taka nokkra dansara og búninga og leggja af stað.“ Hin verkin tvö sem mynda þríleikinn eru Berserkir eftir danska danshöfundinn Lene Boel og Tilbrigði eftir Láru Stefánsdóttur, listrænan stjórnanda Íslenska dansflokksins. Tilbrigði er eindans sem sameinar dans og tónlistarflutning en Bryndís Halla Gylfadóttir, leiðandi sellóleikari Sinfóníuhljómsveitar Íslands, leikur tónverk finnska tónskáldsins Jeans Sibelius, Theme and variations for Solo Cello, frá 1887. Dansarinn er eins og endurkast af tónlistinni, leikur með tilbrigði, endurtekin form og blæbrigði. Í verki Lene Boel, Berserkir, er blandað saman break, nútímadansi og ballett með akróbatísku tvisti. Verkið tengir saman fortíðina og nútíðina en Lene leitaði innblásturs í rúnir, víkinga, tölvuleiki og raunveruleikaþætti við gerð verksins.
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Ein lausn er að liggja hlið við hlið og fróa sér Lífið „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira