Þetta er lítið og sætt ljóð um vongleði Gunnþóra Gunnarsdóttir skrifar 23. janúar 2014 11:00 r „Þetta er lítið sætt ljóð um vongleði – eða það að reyna að halda áfram – til dæmis þó maður sé kominn á miðjan aldur,“ segir Anton Helgi Jónsson skáld um ljóð sitt Horfurnar um miðja vikuna. Fyrir það hlaut hann á þriðjudaginn Ljóðstaf Jóns úr Vör, viðurkenningu sem Kópavogsbær veitir í árlegri ljóðasamkeppni til heiðurs skáldinu Jóni úr Vör.Horfurnar um miðja vikunaÞað er bara miðvikudagurenn getur allt gerstenn er vonenn má finna rétta taktinnfinna sinn hljómjafnvel finna sig í góðu lagiallt getur gerstmeðan enn leynist bílskúrbaka til í hausnum á mérog bandsem djöflast frameftir. „Þegar ég orti þetta ljóð var ég ekki að hugsa um sjálfan mig en verð að viðurkenna að þegar ég fékk tilkynninguna um verðlaunin þá fann ég að þetta er í rauninni mjög persónulegt ljóð. Það er persónuleg tjáning í því,“ segir Anton Helgi og upplýsir að ljóðið sé í bók sem sé á síðustu metrunum hjá honum og komi út á þessu ári. „Í henni eru borgarljóð og ljóð um alls konar fólk,“ segir hann. „Ég hef mikið lagt mig fram um það í minni ljóðagerð að láta alls konar persónur stíga fram.“ Um þrjú hundruð ljóð bárust í keppnina að þessu sinni en hún hefur þann tilgang að efla og vekja áhuga á íslenskri ljóðlist. Í öðru sæti í ár varð Adolf Friðriksson fornleifafræðingur með ljóð sitt Háaloft og Uggi Jónsson, skáld og þýðandi, varð í því þriðja með ljóð sitt Mávarnir. Anton Helgi ávarpaði samkomuna í Salnum eftir að hafa tekið við viðurkenningunni og sagði það mikinn heiður að taka við verðlaunum sem kennd væru við Jón úr Vör. „Ef Jón væri staddur hérna myndi ég segja: Takk fyrir ljóðin þín, þau gáfu mér rétta tóninn þegar ég var unglingur, takk.“ Anton Helgi hefur gefið út sjö ljóðabækur og eina skáldsögu og á fjörutíu ára útgáfuafmæli á þessu ári. Í rökstuðningi dómnefndar segir meðal annars um ljóð hans að það hafi vakið athygli allra dómnefndarmanna við fyrsta lestur. „Ljóðið er ort af snerpu og þrótti af skáldi sem hefur nútímalegt ljóðmál fullkomlega á valdi sínu.“ Anton Helgi er þrettándi handhafi Ljóðstafsins. Hann er sá eini sem hefur nú hlotið hann tvívegis, fyrra skiptið var árið 2009. Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Þetta er lítið sætt ljóð um vongleði – eða það að reyna að halda áfram – til dæmis þó maður sé kominn á miðjan aldur,“ segir Anton Helgi Jónsson skáld um ljóð sitt Horfurnar um miðja vikuna. Fyrir það hlaut hann á þriðjudaginn Ljóðstaf Jóns úr Vör, viðurkenningu sem Kópavogsbær veitir í árlegri ljóðasamkeppni til heiðurs skáldinu Jóni úr Vör.Horfurnar um miðja vikunaÞað er bara miðvikudagurenn getur allt gerstenn er vonenn má finna rétta taktinnfinna sinn hljómjafnvel finna sig í góðu lagiallt getur gerstmeðan enn leynist bílskúrbaka til í hausnum á mérog bandsem djöflast frameftir. „Þegar ég orti þetta ljóð var ég ekki að hugsa um sjálfan mig en verð að viðurkenna að þegar ég fékk tilkynninguna um verðlaunin þá fann ég að þetta er í rauninni mjög persónulegt ljóð. Það er persónuleg tjáning í því,“ segir Anton Helgi og upplýsir að ljóðið sé í bók sem sé á síðustu metrunum hjá honum og komi út á þessu ári. „Í henni eru borgarljóð og ljóð um alls konar fólk,“ segir hann. „Ég hef mikið lagt mig fram um það í minni ljóðagerð að láta alls konar persónur stíga fram.“ Um þrjú hundruð ljóð bárust í keppnina að þessu sinni en hún hefur þann tilgang að efla og vekja áhuga á íslenskri ljóðlist. Í öðru sæti í ár varð Adolf Friðriksson fornleifafræðingur með ljóð sitt Háaloft og Uggi Jónsson, skáld og þýðandi, varð í því þriðja með ljóð sitt Mávarnir. Anton Helgi ávarpaði samkomuna í Salnum eftir að hafa tekið við viðurkenningunni og sagði það mikinn heiður að taka við verðlaunum sem kennd væru við Jón úr Vör. „Ef Jón væri staddur hérna myndi ég segja: Takk fyrir ljóðin þín, þau gáfu mér rétta tóninn þegar ég var unglingur, takk.“ Anton Helgi hefur gefið út sjö ljóðabækur og eina skáldsögu og á fjörutíu ára útgáfuafmæli á þessu ári. Í rökstuðningi dómnefndar segir meðal annars um ljóð hans að það hafi vakið athygli allra dómnefndarmanna við fyrsta lestur. „Ljóðið er ort af snerpu og þrótti af skáldi sem hefur nútímalegt ljóðmál fullkomlega á valdi sínu.“ Anton Helgi er þrettándi handhafi Ljóðstafsins. Hann er sá eini sem hefur nú hlotið hann tvívegis, fyrra skiptið var árið 2009.
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira