Að stilla saman strengi Ólöf Skaftadóttir skrifar 14. janúar 2014 07:00 Leiðtogarnir okkar, sem öll eru áreiðanlega prýðisfólk með mikla hæfileika, mættu í Kryddsíldina á Stöð2 á gamlársdag til að vera uppbyggileg og skemmtileg. Sumum tókst það, en öðrum alls ekki. Eflaust sýnist sitt hverjum í þeim efnum. En ég held að við getum verið sammála um að stundum tók karpið yfirhöndina þó að inn á milli kæmu góðir sprettir. Þarna endurspeglaðist það sem Jón Gnarr orðaði svo snilldarlega þegar hann sagði að fólk kæmist ekki úr sporunum í leshringjum ef alltaf væri einblínt á stafsetningarvillurnar í textanum. Prúðbúnir leiðtogarnir eyddu of miklu púðri í að finna snögga bletti hver á öðrum. Ég gleðst þess vegna yfir því að æ oftar, til dæmis nú þegar rætt er um nýjan útvarpsstjóra, er horft til fólks sem hefur unnið við listir og menningu. Listalífið er með miklum blóma á Íslandi - er raunar það fyrsta sem útlendu fólki dettur í hug þegar minnst er á mannlífið á þessari fámennu eyju. Við þurfum að yfirfæra aðferðir listafólksins á önnur svið. Jóni Gnarr hefur sannað að ýmislegt er mögulegt í þeim efnum. Það má ábyggilega sanna margt á Ríkisútvarpinu líka ef stjórnendurnir snúa sér að því sem mestu skiptir og einbeita sér að gæðum en ekki magni. Við höfum líka gert góða hluti í hópíþróttum. Í Kryddsíldinni var Lars Lagerback fótboltaþjálfari valinn maður ársins. Það var fínt því hann gerði einmitt það sem gera þarf. Hann lýsti því sjálfur eitthvað á þá leið að hér væri ótrúlega mikið af frambærilegum fótboltaköppum og raunar hefði hann lítið þurft að að gera annað en að stilla saman strengi. Það er verkefni dagsins, að stilla saman strengi. Allt um kring er hæfileikafólk, sem þarf að læra af þeim Jóni og Lars. Hætta að mæna á stafsetningarvillur og róa í sömu átt. Kannski gætu Jón og Lars tekið að sér að þjálfa landsstjórnina? Viltu birta grein á Vísi? Sendu okkur póst. Senda grein Ólöf Skaftadóttir Mest lesið Hagræðing á kostnað fjölbreytni og gæðamenntunar Ida Marguerite Semey Skoðun Við viljum tala íslensku, en hvernig Ólafur Guðsteinn Kristjánsson Skoðun Stöndum saman gegn fjölþáttaógnum Bryndís Haraldsdóttir Skoðun Umbúðir en ekkert innihald í Hafnarfirði Einar Geir Þorsteinsson Skoðun Yfirgangur, yfirlæti og endastöð Strætó Axel Hall Skoðun Sumt er bara ekki hægt að rökræða Ása Lind Finnbogadóttir Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Halldór 27.03.2024 Halldór Hættur heimsins virða engin landamæri Tótla I. Sæmundsdóttir Skoðun
Leiðtogarnir okkar, sem öll eru áreiðanlega prýðisfólk með mikla hæfileika, mættu í Kryddsíldina á Stöð2 á gamlársdag til að vera uppbyggileg og skemmtileg. Sumum tókst það, en öðrum alls ekki. Eflaust sýnist sitt hverjum í þeim efnum. En ég held að við getum verið sammála um að stundum tók karpið yfirhöndina þó að inn á milli kæmu góðir sprettir. Þarna endurspeglaðist það sem Jón Gnarr orðaði svo snilldarlega þegar hann sagði að fólk kæmist ekki úr sporunum í leshringjum ef alltaf væri einblínt á stafsetningarvillurnar í textanum. Prúðbúnir leiðtogarnir eyddu of miklu púðri í að finna snögga bletti hver á öðrum. Ég gleðst þess vegna yfir því að æ oftar, til dæmis nú þegar rætt er um nýjan útvarpsstjóra, er horft til fólks sem hefur unnið við listir og menningu. Listalífið er með miklum blóma á Íslandi - er raunar það fyrsta sem útlendu fólki dettur í hug þegar minnst er á mannlífið á þessari fámennu eyju. Við þurfum að yfirfæra aðferðir listafólksins á önnur svið. Jóni Gnarr hefur sannað að ýmislegt er mögulegt í þeim efnum. Það má ábyggilega sanna margt á Ríkisútvarpinu líka ef stjórnendurnir snúa sér að því sem mestu skiptir og einbeita sér að gæðum en ekki magni. Við höfum líka gert góða hluti í hópíþróttum. Í Kryddsíldinni var Lars Lagerback fótboltaþjálfari valinn maður ársins. Það var fínt því hann gerði einmitt það sem gera þarf. Hann lýsti því sjálfur eitthvað á þá leið að hér væri ótrúlega mikið af frambærilegum fótboltaköppum og raunar hefði hann lítið þurft að að gera annað en að stilla saman strengi. Það er verkefni dagsins, að stilla saman strengi. Allt um kring er hæfileikafólk, sem þarf að læra af þeim Jóni og Lars. Hætta að mæna á stafsetningarvillur og róa í sömu átt. Kannski gætu Jón og Lars tekið að sér að þjálfa landsstjórnina?
Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun