Félagaskiptabann Barcelona staðfest

Áfrýjunardómstóll íþróttamála [e. CAS] í Lausanne hefur staðfest dóm Alþjóðaknattspyrnusambandsins, FIFA, um félagaskiptabann Barcelona.

FIFA komst að þeirri niðurstöðu að Barcelona hafi ítrekað brotið reglur sambandsins um félagskipti ungmenna og beitti félaginu sektum auk þess að setja það í tímabundið félagaskiptabann.

Barcelona áfrýjaði dómnum en nú hefur CAS staðfest úrskurðinn. Barcelona verður því ekki heimilt að kaupa nýja leikmenn til félagsins fyrr en í janúar 2016.

Barcelona sendi frá sér yfirlýsingu í dag en í henni kemur fram að félagið sé fullkomlega ósammála niðurstöðunni.