Enrique segist ekkert þurfa að kaupa

Luis Enrique knattspyrnustjóri Barcelona segir það ekki skipta miklu máli að Barcelona megi ekki kaupa leikmenn á árinu 2015.

Enrique segist ekki getað styrkt liðið með því að kaupa leikmenn nema frá sínum helsta andstæðingi, Real Madrid.

Barcelona má ekki kaupa leikmenn á árinu 2015 vegna brota á reglum alþjóða knattspyrnusambandsins (FIFA) með verslun á leikmönnum yngri en 18 ára.

„Nema við kaupum af Real Madrid þá getum við ekki keypt betri leikmenn en við erum með,“ sagði Enrique á blaðamannafundi í gær.

„Þessa stundina er lítið að fá ef við horfum á leikmenn annarra liða.“