Ísland mætir Tékklandi í undankeppni EM 2016 hér í Plzen á morgun en íslensku strákarnir komu til landsins frá Belgíu í gær. Jóni Daða Böðvarssyni líkar vel við vistina í Tékklandi hingað til.
„Það er flott hérna. Hótelið er gott og stemningin í hópnum er góð. Við eigum von á erfiðum leik á morgun,“ segir Jón Daði en hann segir að Belgíuleikurinn sé ekki lengur í huga leikmannanna.
„Við tökum það sem er jákvætt úr honum með okkur í næsta leik. En nú er annar og mikilvægari leikur fram undan,“ segir Jón Daði en viðtalið má sjá í heild sinni hér fyrir ofan.
Jón Daði á erfitt með að meta hvort að leikurinn verði frábrugðinn síðasta leik Íslands í undankeppninni er strákarnir unnu 2-0 sigur á Hollandi.
„Tékkarnir eru væntanlega búnir að fara vel yfir okkar leiki. Þeir hafa byrjað betur en Hollendingar í riðlinum og eru líklega sigurstranglegri aðilinn í þessum leik.“
„Annars tel ég að liðin séu nokkuð áþekk. Bæði eru afar vinnusöm og leikmenn vinna vel fyrir hverja aðra. Þetta verður líklega stál í stál.“
Petr Cech stendur í marki Tékka en hann á langan feril að baki með Chelsea þar sem hann hefur verið einn besti markvörður ensku úrvalsdeildarinnar í mörg ár. Sóknarmaðurinn Jón Daði er spenntur fyrir því að mæta honum.
„Það verður skemmtilegt en hann er auðvitað bara mannlegur eins og maður sjálfur. Þetta er auðvitað frábær leikmaður og það væri skemmtilegur bónus ef okkur tækist að skora á hann.“
Jón Daði: Cech bara mannlegur eins og við hin
Tengdar fréttir
Cech: Sterkasta vopn Íslands er liðsheildin
Tékkar fá viku til að undirbúa sig fyrir toppslaginn gegn Íslandi.
Fyrirliðinn ekki lengur flippaði gaurinn í landsliðinu
Aron Einar Gunnarsson hefur margsannað sig sem leiðtogi íslenska landsliðsins innan vallar sem utan. Hann segist stoltur af því að fá að kalla sig fyrirliða þessa hóps og vonar að uppgangurinn sé rétt að byrja.
Áhofendur í Plzen fá tíu þúsund bjóra
Landsliðsþjálfari Tékka vann veðmálið við bruggverksmiðju í Plzen.
Jón Daði íhugar samningstilboð frá Viking
Gekk betur að spila með landsliðinu en félagsliðinu sínu í Noregi.
Allir tóku þátt á æfingunni í Plzen | Myndir
Myndasyrpa frá fyrstu æfingu íslenska landsliðsins í Tékklandi.
Gummi Ben lýsir leik Tékklands og Íslands á Bylgjunni
Útvarpslýsingar Gumma Ben slógu í gegn fyrr á árinu og nú verður framhald á.
45 þúsund Tékkar óskuðu eftir miðum
Rúmlega 700 Íslendingar verða á Doosan Arena.
Kolbeinn: Framherjar verða að halda ró sinni þó illa gangi
Kolbeinn Sigþórsson lætur gagnrýnisraddir ekki setja sig úr jafnvægi. Á ýmsu hefur gengið hjá liði hans, Ajax í Hollandi, en hann segist ánægður þar þó að hann hafi verið hársbreidd frá því að yfirgefa félagið.
Þjálfari Tékka verður á heimavelli á sunnudaginn
Pavel Vrba stýrði liði Viktoria Plzen í fimm ár og vann þrjá stóra titla.
Tékkarnir eru eins og vel smurð vél
Ísland og Tékkland, tvö efstu liðin í A-riðli í undankeppni EM 2016, mætast sunnudaginn 16. nóvember næstkomandi og Heimir Hallgrímsson fór yfir tékkneska liðið á blaðamannafundi í dag þar sem íslenski hópurinn var tilkynntur.
Ekkert lið eins vel skipulagt og það íslenska
Tékkneski landsliðsmaðurinn Tomas Sivok segir að íslenska landsliðið sé betra en það hollenska.
Heimir: Það vill enginn missa af leiknum gegn Tékkum
Heimir Hallgrímsson segir engan í íslenska liðinu geta verið öruggan með sæti sitt eftir frammistöðu "varamannanna“ í 3-1 tapinu fyrir Belgíu í fyrrakvöld.
