Sex vikna sykurfyllerí

Innan skamms verður frumsýnd heimildarmyndin, That sugar film, sem að ástralski leikarinn Damon Gameau skrifaði og framleiddi. Í myndinni gerir Damon tilraunir á sjálfum sér og fer á 6 vikna sykurfyllerí.

Á þessu tímabili neytir hann 40 teskeiða af sykri á degi hverjum og má sjá hvernig áhrif sykurinn hefur á andlegt og líkamlegt ástand Damons. Innan þriggja vikna var Damon orðin skapstyggur og leið illa hverja stund auk þess sem að hann var farinn að þróa með sér alvarlega lifrarfitu.

„Ég drakk ekki gos, borðaði ekki súkkulaði, í né annan augljósan sykur. Allur sykurinn sem að ég neytti var að finna í heilsuverslunum eins og fitulítið jógúrt, múslibarir, ávaxtadjúsar og íþróttadrykkir. Við gefum börnunum okkar þessar matvörur og höldum að við séum að gera þeim gott," segir Damon.

Mikil eftirvænting ríkir í kringum myndina og eru leikarinn Stephen Fry og sjónvarpskokkurinn Jamie Oliver meðal talsmanna hennar.