Cristiano Ronaldo kom Real yfir með marki eftir tvær mínútur og James Rodriguez tvöfaldaði forystuna með frábæru marki eftir hálftíma leik. Þannig var staðan í hálfleik.
Karim Benzema bætti við þriðja markinu og James Rodriguez skoraði annað mark sitt og fjórða mark Real stuttu fyrir leikslok. Lokatölur eins og fyrr segir 4-0.
Real fór með sigrinum á toppinn, en Barcelona getur náð toppsætinu aftur með sigri á Celta Vigo í kvöld.
