Jón Daði byrjar í kvöld

Jón Daði Böðvarðsson heldur byrjunarliðssæti sínu í íslenska landsliðinu sem mætir því hollenska á Laugardalsvelli í kvöld samkvæmt heimildum Vísi.

Þá er líklegast að þeir Gylfi Þór Sigurðsson og Theodór Elmar Bjarnason verði á sínum stað í liðinu þrátt fyrir meiðsli sem þeir urðu fyrir í 3-0 sigrinum á Lettlandi á föstudag.

Ísland spilaði einnig á sama liði gegn Tyrklandi í síðasta mánuði en strákarnir unnu þann leik einnig, 3-0, og eru því á toppi riðilsins með fullt hús stiga.

Leikur Íslands og Hollands verður í beinni textalýsingu á Vísi og hefst hún klukkan 18.45.