„Ég mæti til Hollands með bros á vör. Þetta var frábær sigur,“ sagði Kolbeinn Sigþórsson, framherji íslenska landsliðsins, eftir 2-0 sigurinn á Hollandi í kvöld.
Kolbeinn þekkir vel til í Hollandi þar sem hann hefur leikið í mörg ár. Hann segir að sú staðreynd geri sigurinn enn sætari en ella.
„Að sjálfsögðu. Ég þekki nánast alla í hollenska liðinu, þannig að það verður mjög gaman fyrir mig að koma á æfingu,“ sagði Kolbeinn sem var ánægður með vinnuframlagið hjá íslenska liðinu.
„Varnarlega séð vorum við að hlaupa fyrir hvern annan og við spiluðum sem lið. Það skein í gegn. Liðsheildin skilaði þessum sigri í kvöld.
„Við vorum hættulegir þegar við sóttum, nýttum okkar færi og sigurinn hefði getað orðið stærri ef eitthvað var. Þeir áttu engin svör við leik okkar í kvöld,“ sagði framherjinn sem er að vonum ánægður með uppskeruna í undankeppninni til þessa.
„Þetta er draumi líkast, að byrja svona vel, og vonandi getum við haldið áfram á sömu braut.“
Kolbeinn: Gaman fyrir mig að koma á æfingu
Ingvi Þór Sæmundsson á Laugardalsvelli skrifar

Mest lesið


„Draumar rætast“
Fótbolti


Hispurslaus Amorim mun reynast Man United vel
Enski boltinn

Stúkan: „Bera virðingu fyrir leiknum og andstæðingnum“
Íslenski boltinn

Benedikt hættur með Tindastól
Körfubolti



