Veiði lokið í Eyjafjarðará

Árnar áEyjafjarðarsvæðinu áttu heldur erfitt sumar og þá sérstaklega í júlí þegar mikið vatn vegna leysinga angraði veiðimenn.

Eyjafjarðará var tók nokkra daga þar sem hún var ansi vatnsmikil og erfið viðureignar og til að bæta gráu ofan á svart gekk fiskurinn heldur seint í hana.  Áin var í þessu ástandi meira og minna út júlí og auk þess að vera vatnsmikil datt hún í lit ansi marga daga til viðbótar sem gerði ánna alveg óveiðanlega.  Heildarveiðin í ánni eftir sumarið er 614 fiskar og það skiptist þannig að það veiddust 396 bleikjur, 167 sjóbirtingar, 49 staðbundnir urriðar og 2 laxar.  Veiðin í fyrra var 593 fiskar samtals.  Svæði 5 er jafnan mjög drjúgt í ánni og var það einnig í sumar en samtals komu 102 bleikjur upp þar í sumar.  Flestir sjóbirtingar komu síðan upp af svæði 2 eins og venjulega.  Veiðin í öðrum ám á svæðinu var langt undir væntingum en það var ekki fiskleysi að kenna heldur erfiðum skilyrðum, miklu og skoluðu vatni.