Rooney hélt leikmannafund án Hodgson

Wayne Rooney, fyrirliði enska landsliðsins, hélt leikmannafund fyrir leik Englands gegn Sviss á mánudaginn sem þjálfara liðsins, Roy Hodgson var ekki boðið á.

Rooney sem tók við fyrirliðabandinu af Steven Gerrard í sumar sagði að hann vildi að leikmenn gætu talað saman fyrir leikinn um áhersluatriði fyrir leikinn eftir að hafa unnið nauman 1-0 sigur á Noregi nokkrum dögum áður.

„Við héldum fund, bara leikmennirnir þar sem við ræddum hvað við gætum gert betur fyrir leikinn. Þegar þjálfararnir halda fund eru leikmenn sem þora ekki að segja sína skoðun en við vildum halda fund þar sem við gætum rætt þetta allir saman,“ sagði Rooney.