Umfjöllun, viðtöl og einkunnir: Víkingur - Stjarnan 0-1 | Ingvar bjargaði Garðbæingum Eiríkur Stefán Ásgeirsson á Víkingsvelli skrifar 18. september 2014 15:37 Rolf Toft og Igor Taskovic eigast við í Víkinni í kvöld. Vísir/Valli Stórleikur Ingvars Jónssonar í marki Stjörnunnar sá til þess að Garðbæingar tylltu sér upp að hlið FH á toppi Pepsi-deildar karla. Rolf Toft skoraði sigurmark Stjörnunnar strax á níundu mínútu en þrátt fyrir mikinn ágang heimamanna í fyrri hálfleik náðu þeir ekki að komast fram hjá Ingvari. Síðari hálfleikurinn var öllu rólegri en það færðist mikið fjör í leikinn þegar lítið var eftir. Bæði lið fengu hættuleg færi og heimamenn missti Alan Lowing af velli með rautt spjald þegar hann braut á manni sem var að sleppa í gegn. Stjarnan er nú með 45 stig, rétt eins og FH sem gerði 1-1 jafntefli við KR í kvöld. Það sér því fram á spennandi lokasprett í baráttunni um Íslandsmeistaratitilinn. Gestirnir komust yfir strax á níundu mínútu með afar snarpri sókn. Boltinn gekk hratt manna á milli og Víkingar sváfu á verðinum. Ólafur Karl komst á hörkusprett og lagði boltann á Toft sem skoraði af stuttu færi. Víkingar höfðu byrjað vel í leiknum og létu þetta ekki slá sig af laginu. Heimamenn stjórnuðu miðjuspilunu og gekk vel að skapa sér færi. Bakverðirnir voru einnig duglegir að koma fram, ógna og þjónusta Ivanov frammi. En langflestar aðgerðir stoppuðu á einum manni, markverðinum Ingvari Jónssyni. Hann varði fimm skot í fyrri hálfleik, hvert öðru glæsilegra. Langbesta færið fékk Michael Abnett þegar hann skaut beint á Ingvar af stuttu færi eftir að hafa fylgt eftir aukaspyrnu sem var varin. Stjörnumenn ógnuðu lítið í fyrri hálfleik eftir markið og gátu því prísað sig sæla að hafa haldið forystunni þegar gengið var til búningsklefa. Snemma í síðari hálfleik meiddist Iliyan Garov, miðvörður Víkinga, á hné og þurfti að fara af velli. Við það þurfti Igor Taskovic að færa sig niður í vörnina af miðjunni. Við það misstu Víkingar undirtökin í miðjubaráttunni og var mun meira jafnræði með liðunum eftir það. Þeim gekk báðum illa að skapa sér færi þar til á lokamínútum leiksins, er leikurinn opnaðist skyndilega upp á gátt. Dofri átti skot í stöng en Stjörnumenn komust þá skyndilega fram. Varamaðurinn Heiðar Ægisson var að sleppa í gegn þegar Alan Lowing braut á honum og uppskar beint rautt spjald. Veigar Páll fékk svo frábært færi í uppbótartíma til að gera út um leikinn en sem betur fer fyrir hann kom það ekki að sök. Stjörnumenn héngu á 1-0 forystunni og tryggðu sér þar með dýrmæt stig í toppbaráttunni.Rúnar Páll: Þetta var ekki fallegt Rúnar Páll Sigmundsson, þjálfari Stjörnunnar, viðurkennir að það hafi verið heppnisstimpill á sigri hans manna í kvöld. „Þeir fengu mörg góð færi og við vorum heppnir að fá ekki mark á okkur. Þetta var ekki fallegt en við fengum þrjú mikilvæg stig,“ sagði þjálfarinn. „Þetta var mjög erfitt fyrir okkur enda að spila gegn hrikalega góðu liði. Við náðum ágætiskafla eftir markið en fljótlega tóku Víkingarnir yfir leikinn og sköpuðu sér fullt af góðum færum.“ Hann segir að Arnar Már hafi komið af velli vegna meiðsla undir lok fyrri hálfleiksins. „Ég ætlaði reyndar að gera aðra skiptingu þar sem ég var ekki nógu ánægður með varnarvinnuna okkar en þetta kom svo sem ágætlega út eftir skiptinguna.“ „Heilt yfir vorum við hálf sofandi eftir markið okkar. Ég tel reyndar að markið sem Veigar skoraði hefði átt að standa þar sem hann var ekki rangstæður, heldur Rolf.“ „En við áttum ekki okkar besta leik. Ingvar varði nokkrum sinnum vel í fyrri hálfleik og það breytti miklu.“ Stjarnan og FH eru nú jöfn að stigum á toppnum en Rúnar Páll ætlar að halda sínum mönnum á jörðinni. „Næsti leikur er gegn FJölni og við gefum allt í hann.Ingvar: Okkar slakasti leikur í sumar Stjörnumenn eru enn ósigraðir í Pepsi-deildinni í sumar en Ingvar Jónsson, markvörður, segir að leikurinn gegn Víkingum í kvöld hafi verið sá slakasti í sumar. „Þetta var bara eins og á góðri skotæfingu. Við mættum einfaldlega hrikalega illa stemmdir í þennan leik og veit ég ekki ástæðuna fyrir því,“ sagði Ingvar. „Þetta var okkar slakasti leikur í sumar en það gekk vel hjá mér í dag. Ég er líka ánægður með að hafa haldið hreinu í öðrum leiknum í röð.“ „Annars skil ég ekki hvað klikkaði. Þeir yfirspiluðu okkur um tíma í fyrri hálfleik og voru sterkari aðilinn. Vonandi má kalla þetta meistaraheppni, þó svo að það sé enn langt í land í toppbaráttunni.“ „Ég reyni annars sem minnst að hugsa um titilinn. Ef við vinnum næstu tvo leiki verður úrslitaleikur um titilinn. Ég er bara að hugsa um að vinna næsta leik.“Ólafur: Guð almáttugur gerir þetta ekki fyrir okkur „Ég er auðvitað drullufúll með að tapa þessum leik. Við áttum meira skilið,“ sagði Ólafur Þórðarson, þjálfari Víkinga, eftir leikinn í kvöld. „Við sköpuðum okkur fullt af færum og gefum þeim svo auðveld færi þar að auki. Við vorum sjálfum okkur verstir. Stjarnan skoraði úr fyrstu sókninni sinni í leiknum og menn voru einfaldlega ekki vaknaðir þá.“ Víkingar fengu sem fyrr færi mörg góð færi til að skora í kvöld. „Oft vill það verða þannig að þegar menn fá of góð færi þá slaknar á einbeitingunni. En það er einmitt gallinn og það er það sem gerðist í dag.“ Iliyan Garov fór meiddur af velli í sínum fyrsta leik í sumar en Ólafur telur að það hafi þrátt fyrir allt ekki riðlað leik Víkinga mikið. „Ekki neitt sérstaklega. Eitthvað smotterí en við héldum áfram að vera betra liðið á vellinum og skapa okkur færi. Hvað meira getur maður beðið um - Guð almáttugur gerir þetta ekki fyrir okkur, við verðum að gera það sjálfir.“ Hann segir að rauða spjaldið á Lowing hafi verið réttur dómur. „Hann átti frekar að sleppa honum í gegn,“ sagði Ólafur.Dofri: Aulaskapur í okkur Dofri Snorrason segir einstaklega svekkjandi að hafa ekki farið betur með færin sem Víkingar fengu gegn Stjörnunni í kvöld. „Við yfirspiluðum þá algjörlega í fyrri hálfleik en svona er þetta þegar menn nýta ekki færin. Þetta er ekki óheppni heldur aulaskapur,“ sagði Dofri. Michael Abnett fékk besta færi leiksins þegar hann lét verja frá sér af stuttu færi er hann fylgdi eftir skoti sem var varið. „Ég kann ekki skýringu á þessu. Þetta var eini staðurinn á markinu sem hann mátti ekki skjóta á og hann lét Ingvar líta mjög vel út.“ Dofri og félagar hans á Víkingsmiðjunni spiluðu vel, sérstaklega í fyrri hálfleik. „En því miður telur þetta ekki neitt. Eitt stig hefði gert mjög mikið fyrir okkur. Við erum svo sem ekkert að hugsa of mikið um fjórða sætið - nú eru þrír leikir eftir af sumrinu og við ætlum að njóta þess að spila fótbolta.“ Pepsi Max-deild karla Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti „Hún reif í mig og hraunaði yfir mig, á Marilegan hátt“ Sport Óttast um öryggi fjölskyldunnar og neyðist til að flytja Sport „Ein besta markvarsla sem ég hef séð“ Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira
Stórleikur Ingvars Jónssonar í marki Stjörnunnar sá til þess að Garðbæingar tylltu sér upp að hlið FH á toppi Pepsi-deildar karla. Rolf Toft skoraði sigurmark Stjörnunnar strax á níundu mínútu en þrátt fyrir mikinn ágang heimamanna í fyrri hálfleik náðu þeir ekki að komast fram hjá Ingvari. Síðari hálfleikurinn var öllu rólegri en það færðist mikið fjör í leikinn þegar lítið var eftir. Bæði lið fengu hættuleg færi og heimamenn missti Alan Lowing af velli með rautt spjald þegar hann braut á manni sem var að sleppa í gegn. Stjarnan er nú með 45 stig, rétt eins og FH sem gerði 1-1 jafntefli við KR í kvöld. Það sér því fram á spennandi lokasprett í baráttunni um Íslandsmeistaratitilinn. Gestirnir komust yfir strax á níundu mínútu með afar snarpri sókn. Boltinn gekk hratt manna á milli og Víkingar sváfu á verðinum. Ólafur Karl komst á hörkusprett og lagði boltann á Toft sem skoraði af stuttu færi. Víkingar höfðu byrjað vel í leiknum og létu þetta ekki slá sig af laginu. Heimamenn stjórnuðu miðjuspilunu og gekk vel að skapa sér færi. Bakverðirnir voru einnig duglegir að koma fram, ógna og þjónusta Ivanov frammi. En langflestar aðgerðir stoppuðu á einum manni, markverðinum Ingvari Jónssyni. Hann varði fimm skot í fyrri hálfleik, hvert öðru glæsilegra. Langbesta færið fékk Michael Abnett þegar hann skaut beint á Ingvar af stuttu færi eftir að hafa fylgt eftir aukaspyrnu sem var varin. Stjörnumenn ógnuðu lítið í fyrri hálfleik eftir markið og gátu því prísað sig sæla að hafa haldið forystunni þegar gengið var til búningsklefa. Snemma í síðari hálfleik meiddist Iliyan Garov, miðvörður Víkinga, á hné og þurfti að fara af velli. Við það þurfti Igor Taskovic að færa sig niður í vörnina af miðjunni. Við það misstu Víkingar undirtökin í miðjubaráttunni og var mun meira jafnræði með liðunum eftir það. Þeim gekk báðum illa að skapa sér færi þar til á lokamínútum leiksins, er leikurinn opnaðist skyndilega upp á gátt. Dofri átti skot í stöng en Stjörnumenn komust þá skyndilega fram. Varamaðurinn Heiðar Ægisson var að sleppa í gegn þegar Alan Lowing braut á honum og uppskar beint rautt spjald. Veigar Páll fékk svo frábært færi í uppbótartíma til að gera út um leikinn en sem betur fer fyrir hann kom það ekki að sök. Stjörnumenn héngu á 1-0 forystunni og tryggðu sér þar með dýrmæt stig í toppbaráttunni.Rúnar Páll: Þetta var ekki fallegt Rúnar Páll Sigmundsson, þjálfari Stjörnunnar, viðurkennir að það hafi verið heppnisstimpill á sigri hans manna í kvöld. „Þeir fengu mörg góð færi og við vorum heppnir að fá ekki mark á okkur. Þetta var ekki fallegt en við fengum þrjú mikilvæg stig,“ sagði þjálfarinn. „Þetta var mjög erfitt fyrir okkur enda að spila gegn hrikalega góðu liði. Við náðum ágætiskafla eftir markið en fljótlega tóku Víkingarnir yfir leikinn og sköpuðu sér fullt af góðum færum.“ Hann segir að Arnar Már hafi komið af velli vegna meiðsla undir lok fyrri hálfleiksins. „Ég ætlaði reyndar að gera aðra skiptingu þar sem ég var ekki nógu ánægður með varnarvinnuna okkar en þetta kom svo sem ágætlega út eftir skiptinguna.“ „Heilt yfir vorum við hálf sofandi eftir markið okkar. Ég tel reyndar að markið sem Veigar skoraði hefði átt að standa þar sem hann var ekki rangstæður, heldur Rolf.“ „En við áttum ekki okkar besta leik. Ingvar varði nokkrum sinnum vel í fyrri hálfleik og það breytti miklu.“ Stjarnan og FH eru nú jöfn að stigum á toppnum en Rúnar Páll ætlar að halda sínum mönnum á jörðinni. „Næsti leikur er gegn FJölni og við gefum allt í hann.Ingvar: Okkar slakasti leikur í sumar Stjörnumenn eru enn ósigraðir í Pepsi-deildinni í sumar en Ingvar Jónsson, markvörður, segir að leikurinn gegn Víkingum í kvöld hafi verið sá slakasti í sumar. „Þetta var bara eins og á góðri skotæfingu. Við mættum einfaldlega hrikalega illa stemmdir í þennan leik og veit ég ekki ástæðuna fyrir því,“ sagði Ingvar. „Þetta var okkar slakasti leikur í sumar en það gekk vel hjá mér í dag. Ég er líka ánægður með að hafa haldið hreinu í öðrum leiknum í röð.“ „Annars skil ég ekki hvað klikkaði. Þeir yfirspiluðu okkur um tíma í fyrri hálfleik og voru sterkari aðilinn. Vonandi má kalla þetta meistaraheppni, þó svo að það sé enn langt í land í toppbaráttunni.“ „Ég reyni annars sem minnst að hugsa um titilinn. Ef við vinnum næstu tvo leiki verður úrslitaleikur um titilinn. Ég er bara að hugsa um að vinna næsta leik.“Ólafur: Guð almáttugur gerir þetta ekki fyrir okkur „Ég er auðvitað drullufúll með að tapa þessum leik. Við áttum meira skilið,“ sagði Ólafur Þórðarson, þjálfari Víkinga, eftir leikinn í kvöld. „Við sköpuðum okkur fullt af færum og gefum þeim svo auðveld færi þar að auki. Við vorum sjálfum okkur verstir. Stjarnan skoraði úr fyrstu sókninni sinni í leiknum og menn voru einfaldlega ekki vaknaðir þá.“ Víkingar fengu sem fyrr færi mörg góð færi til að skora í kvöld. „Oft vill það verða þannig að þegar menn fá of góð færi þá slaknar á einbeitingunni. En það er einmitt gallinn og það er það sem gerðist í dag.“ Iliyan Garov fór meiddur af velli í sínum fyrsta leik í sumar en Ólafur telur að það hafi þrátt fyrir allt ekki riðlað leik Víkinga mikið. „Ekki neitt sérstaklega. Eitthvað smotterí en við héldum áfram að vera betra liðið á vellinum og skapa okkur færi. Hvað meira getur maður beðið um - Guð almáttugur gerir þetta ekki fyrir okkur, við verðum að gera það sjálfir.“ Hann segir að rauða spjaldið á Lowing hafi verið réttur dómur. „Hann átti frekar að sleppa honum í gegn,“ sagði Ólafur.Dofri: Aulaskapur í okkur Dofri Snorrason segir einstaklega svekkjandi að hafa ekki farið betur með færin sem Víkingar fengu gegn Stjörnunni í kvöld. „Við yfirspiluðum þá algjörlega í fyrri hálfleik en svona er þetta þegar menn nýta ekki færin. Þetta er ekki óheppni heldur aulaskapur,“ sagði Dofri. Michael Abnett fékk besta færi leiksins þegar hann lét verja frá sér af stuttu færi er hann fylgdi eftir skoti sem var varið. „Ég kann ekki skýringu á þessu. Þetta var eini staðurinn á markinu sem hann mátti ekki skjóta á og hann lét Ingvar líta mjög vel út.“ Dofri og félagar hans á Víkingsmiðjunni spiluðu vel, sérstaklega í fyrri hálfleik. „En því miður telur þetta ekki neitt. Eitt stig hefði gert mjög mikið fyrir okkur. Við erum svo sem ekkert að hugsa of mikið um fjórða sætið - nú eru þrír leikir eftir af sumrinu og við ætlum að njóta þess að spila fótbolta.“
Pepsi Max-deild karla Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti „Hún reif í mig og hraunaði yfir mig, á Marilegan hátt“ Sport Óttast um öryggi fjölskyldunnar og neyðist til að flytja Sport „Ein besta markvarsla sem ég hef séð“ Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira