Aron fann fyrir eymslum á æfingu

Aron Pálmarsson tók þátt í æfingu íslenska landsliðsins í handbolta í morgun en fann fyrir eymslum eftir æfinguna.

Aron mun hvíla í dag og sjá hvernig hnéið er en lokaæfing landsliðsins fyrir leikinn er í fyrramálið. Verður staðan tekin þá áður en lokaákvörðun er tekin um þátttöku Arons.

Ísland mætir Bosníu í umspili upp á sæti á HM í Katar á sunnudaginn í Laugardalshöll og hefst leikurinn 17.15. Bosnía vann fyrri leik liðanna 33-32 og þurfa strákarnir okkar á öllum sínum bestu mönnum að halda á sunnudaginn.