Aron og Jóhann mæta Benfica í 8 liða úrslitum

Jóhann Berg Guðmundsson og Aron Jóhannsson og félagar í hollenska liðinu AZ Alkmaar mæta portúgalska liðinu Benfica í 8 liða úrslitum Evrópudeildarinnar.

Dregið var í 8 liða úrslitin í höfuðstöðvum UEFA í Nyon í Sviss í dag en AZ var fyrsta liðið upp úr pottinum og byrjar því rimmuna á heimavelli.

Benfica vann annað Íslendingalið, Tottenham, í 16 liða úrslitunum en Gylfi Þór Sigurðsson var í byrjunarliðinu gegn Benfica í Portúgal í gærkvöldi.

Svissneska liðið Basel mætir Valencia frá Portúgal, Lyon mætir Juventus sem líklegt er til árangurs í keppninni og þá eigast við Porto frá Portúgal og Sevilla frá Spáni.

Drátturinn í 8 liða úrslit:

AZ Alkmaar - Benfica

Lyon - Juventus

Basel - Valencia

Porto - Sevilla

@GulliGull1 leiðinlegt að þínir menn í benfica fari ekki lengra í evrópudeildinni þetta árið.

— Johann B Gudmundsson (@Gudmundsson7) March 21, 2014