Golf

Mickelson neðstur í Texas

Jón Júlíus Karlsson skrifar
Það gekk illa hjá Phil Mickelson í dag.
Það gekk illa hjá Phil Mickelson í dag. Vísir/AP
Bandaríkjamaðurinn Pat Perez og Danny Lee frá Nýja-Sjálandi eru í efsta sæti eftir fyrsta keppnisdag á Valero Texas Open mótinu sem fram fer á PGA-mótaröðinni. Perez og Lee léku fyrsta hringinn á 68 höggum eða fjórum höggum undir pari og eru einu höggi betri en sex aðrir kylfingar.

Þoka tafði keppni talsvert á fyrsta keppnisdegi og náði aðeins um helmingur keppenda að ljúka leik í dag.

Phil Mickelson er í vandræðum en hann lék fyrsta hringinn á 77 höggum eða fimm höggum yfir pari. Hann er neðstur í mótinu ásamt fleiri kylfingum en þetta er hans versta byrjun í móti í nokkurn tíma.

Mickelson, sem sem á að baki fimm risatitla, lauk leik með því að fá tvöfaldan skolla á 9. holu sem var lokahola hans á fyrsta hring.

Valero Texas Open mótið er í beinni útsendingu á Golfstöðinni og hefst útsending á morgun klukkan 19:00.

Mest lesið


Fleiri fréttir

Sjá meira


×

Mest lesið