Sýnishorn úr Paddington

Nýtt sýnishorn úr kvikmyndinni um bangsann Paddington hefur verið gefið út.

Kvikmyndin er framleidd af David Heyman, sem er sá sami og framleiddi kvikmyndirnar um Harry Potter og sigurvegarann af nýyfirstaðinni Óskarsverðlaunahátíð, Gravity.

Myndin fylgir Paddington eftir þar sem hann yfirgefur heimaland sitt Perú, og flyst til London til að hefja nýtt líf.

Breski leikarinn Colin Firth, mun ljá bangsanum rödd sína, en ásamt honum koma við sögu Nicole Kidman, Hugh Bonneville og Sally Hawkins.

Paddington verður hægt að sjá í kvikmyndahúsum vestanhafs í lok ársins.