Í það minnsta 21 hefur látist vegna veðursins og þar á meðal ólétt kona sem varð fyrir snjóplóg á bílastæði í New York. Rafmagn fór af rúmlega milljón heimila og fyrirtækja og enn eru um 550.000 án rafmagns.
Mörgum skólum á austurströndinni var lokað, en ekki í New York. Bill de Blasio, borgarstjóri, hefur orðið fyrir mikilli gagnrýni fyrir að loka ekki skólum borgarinnar, en margir telja hættulegt að láta foreldra og börn ferðast við þessar kringumstæður.
De Blasio segist þó vera viss um að börn komist í skóla sína og sagði að borgin hefði einungis lokað skólum vegna veðurs ellefu sinnum frá 1973.
