Rúnar: Við vorum svalir

"Þetta var nokkuð jafnt undir lokin en ég var aldrei neitt hræddur," sagði stórskyttan Rúnar Kárason eftir sigurinn á Makedóníu í dag.

"Ég hafði góða tilfinningu og var hundrað prósent á því að við myndum vinna þennan leik. Við vorum svalir og allan tímann með yfirhöndina. Við vorum klaufar að hafa ekki slitið þá betur frá okkur fyrr.

"Það var ekkert stress og það sást á lokasókninni sem var fáranlega vel framkvæmd. Það var fínt að klára sigur.

"Við eigum sterka Dani eftir en þeir voru sannfærandi gegn Spánverjum þó svo þeir hafi ekki verið alveg upp á sitt besta í riðlinum. Það verður gaman að glíma við þá."