Miðherjinn Almar Stefán Guðbrandsson spilar ekki fleiri leiki með karlaliði Keflavíkur í körfubolta á leiktíðinni.
Almar staðfestir í samtali við Karfan.is að hann sé hættur hjá liðinu. Það komi til þar sem honum og þjálfaranum Andy Johnston komi ekki nógu vel saman. Því sé komið að leiðarlokum.
Almar hefur leikið rúmlega sex mínútur að meðaltali í leik með Keflavík í deidlinni. Hann segist ekki vera byrjaður að skoða sín mál hvað varðaði að spila með öðru liði á leiktíðinni.
Almar ósáttur og hættur hjá Keflavík
