Fyrsta leikverk Guðbergs Bergssonar Gunnþóra Gunnarsdóttir skrifar 28. ágúst 2013 14:00 Leikarar og leikstjóri. Benedikt Gröndal, Eva Vala Guðjónsdóttir, Bergur Þór Ingólfsson, Sólveig Guðmundsdóttir, Sveinn Ólafur Gunnarsson og Erling Jóhannesson. „Guðbergur Bergsson er mikið ólíkindatól eins og allir vita. Eiðurinn og Eitthvað er fyrsta verk sem hann skrifar fyrir leikhús. Nú ætlum við að frumsýna í kvöld,“ segir Sólveig Guðmundsdóttir, leikkona í hópnum Gral, sem er fimm ára um þessar mundir. Bergur Þór Ingólfsson stjórnar uppsetningunni og Sólveig segir hann hafa stillt æfingarnar á skemmtilega línu. „Ég er búin að vera hlæjandi í allt sumar,“ segir hún og vekur að sjálfsögðu upp forvitni um innihald verksins. „Eiðurinn og Eitthvað fjallar um baráttu skáldskaparins. Skáldið er á sviðinu í rólegheitum að strauja buxurnar sínar. Það er með tvö leikverk í huganum sem fara að kallast á og reyna að taka sem mest pláss hvort um sig en ýta hinu til hliðar. Þetta er visst stríð en skáldið hefur líka gaman af því að horfa á hugmyndir sínar takast á. Þetta er vel gert hjá þeim báðum, Guðbergi og Bergi.“ Spurð hvort skáldið Guðbergur hafi eitthvað komið á æfingar svarar Sólveig: „Nei, hann afhenti okkur bara verkið og steig svo til hliðar. Vonandi kemur hann á frumsýninguna í kvöld.“ Tjarnarbíó er miðstöð fyrir leikhópa sviðslista. Þar sýna margir leikhópar sem mikill kraftur er í. Nú eru fjórir þeirra að fara af stað með leikhúskort. Gral er einn þessara leikhópa. Auk leikverksins Eiðurinn og Eitthvað ætlar hann að taka aftur upp Horn á höfði, barnaleikrit sem fékk Grímuverðlaunin 2010. Hinir hóparnir þrír eru Lab Loki, Málamyndaleikhópurinn og Frú Emelía. Þetta er í fyrsta skipti sem fólk getur keypt kort á sýningar grasrótarinnar og það fer í sölu nú um helgina. Í mörg horn er að líta hjá Sólveigu. Hún er að leika í Eiðurinn og Eitthvað og í Horni á höfði og er í framkvæmdastjórn Gral. Einnig er hún að vinna með Helgu Arnalds í sýningunni Skrímslið litla systir mín, sem er að fara aftur á svið í Þjóðleikhúsinu. Þá ætlar hún að vera með í sýningu sem heitir Krakkarnir í hverfinu og er brúðusýning um ofbeldi gegn börnum. Hún verður sýnd í 2. bekk í öllum skólum landsins. „Þar er lögð áhersla á að krakkar eigi að segja frá ef þeir eru beittir ofbeldi af einhverju tagi,“ segir Sólveig. „Þetta er flott sýning sem þær Helga Arnalds og Helga Thorlacius hafa búið til og góð reynsla er komin á, þó svo að efnið sé erfitt og viðkvæmt.“ Eitt er enn ótalið af verkefnum Sólveigar á nýju leikári. Það er með Pörupiltum. „Við ætlum að vera með uppistand um kynlíf eftir áramótin,“ upplýsir hún og bætir við: „Það er svolítið erfitt fyrir mig því ég er svoddan tepra en það verður spennandi að fást við þetta málefni.“ Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Geggjað heimatilbúið „Twix“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Guðbergur Bergsson er mikið ólíkindatól eins og allir vita. Eiðurinn og Eitthvað er fyrsta verk sem hann skrifar fyrir leikhús. Nú ætlum við að frumsýna í kvöld,“ segir Sólveig Guðmundsdóttir, leikkona í hópnum Gral, sem er fimm ára um þessar mundir. Bergur Þór Ingólfsson stjórnar uppsetningunni og Sólveig segir hann hafa stillt æfingarnar á skemmtilega línu. „Ég er búin að vera hlæjandi í allt sumar,“ segir hún og vekur að sjálfsögðu upp forvitni um innihald verksins. „Eiðurinn og Eitthvað fjallar um baráttu skáldskaparins. Skáldið er á sviðinu í rólegheitum að strauja buxurnar sínar. Það er með tvö leikverk í huganum sem fara að kallast á og reyna að taka sem mest pláss hvort um sig en ýta hinu til hliðar. Þetta er visst stríð en skáldið hefur líka gaman af því að horfa á hugmyndir sínar takast á. Þetta er vel gert hjá þeim báðum, Guðbergi og Bergi.“ Spurð hvort skáldið Guðbergur hafi eitthvað komið á æfingar svarar Sólveig: „Nei, hann afhenti okkur bara verkið og steig svo til hliðar. Vonandi kemur hann á frumsýninguna í kvöld.“ Tjarnarbíó er miðstöð fyrir leikhópa sviðslista. Þar sýna margir leikhópar sem mikill kraftur er í. Nú eru fjórir þeirra að fara af stað með leikhúskort. Gral er einn þessara leikhópa. Auk leikverksins Eiðurinn og Eitthvað ætlar hann að taka aftur upp Horn á höfði, barnaleikrit sem fékk Grímuverðlaunin 2010. Hinir hóparnir þrír eru Lab Loki, Málamyndaleikhópurinn og Frú Emelía. Þetta er í fyrsta skipti sem fólk getur keypt kort á sýningar grasrótarinnar og það fer í sölu nú um helgina. Í mörg horn er að líta hjá Sólveigu. Hún er að leika í Eiðurinn og Eitthvað og í Horni á höfði og er í framkvæmdastjórn Gral. Einnig er hún að vinna með Helgu Arnalds í sýningunni Skrímslið litla systir mín, sem er að fara aftur á svið í Þjóðleikhúsinu. Þá ætlar hún að vera með í sýningu sem heitir Krakkarnir í hverfinu og er brúðusýning um ofbeldi gegn börnum. Hún verður sýnd í 2. bekk í öllum skólum landsins. „Þar er lögð áhersla á að krakkar eigi að segja frá ef þeir eru beittir ofbeldi af einhverju tagi,“ segir Sólveig. „Þetta er flott sýning sem þær Helga Arnalds og Helga Thorlacius hafa búið til og góð reynsla er komin á, þó svo að efnið sé erfitt og viðkvæmt.“ Eitt er enn ótalið af verkefnum Sólveigar á nýju leikári. Það er með Pörupiltum. „Við ætlum að vera með uppistand um kynlíf eftir áramótin,“ upplýsir hún og bætir við: „Það er svolítið erfitt fyrir mig því ég er svoddan tepra en það verður spennandi að fást við þetta málefni.“
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Geggjað heimatilbúið „Twix“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira