Litli sæti króginn er orðinn tíu ára og heljarinnar mikið batterí Friðrika Benónýsdóttir skrifar 25. júlí 2013 11:00 Elfar Logi segist eiginlega ekki hafa valið einleiksformið meðvitað, það hafi frekar valið hann. Fréttablaðið/GVA Leiklistarhátíðin Act alone verður haldin á Suðureyri dagana 8.-11. ágúst. Þetta er í tíunda sinn sem hátíðin er haldin og er hún orðin elsta leiklistarhátíð á landinu. Upphafsmaður hennar er Elfar Logi Hannesson leikari. „Þetta gerðist allt mjög hratt, eins og gerist oft hér fyrir vestan,“ segir Elfar Logi Hannesson spurður hvað hafi orðið til þess að hann fór af stað með Act alone-hátíðina fyrir tíu árum. „Oft eru þetta reyndar einhverjar galnar hugmyndir sem ekki komast í framkvæmd, en þessi varð að veruleika, sem betur fer, og er nú orðin elsta leiklistarhátíð landsins og sú stærsta utan höfuðborgarinnar.“ Elfar Logi segir hátíðina til að byrja með hafa verið „lítinn sætan króga“, þrjár sýningar og einn fyrirlestur, en hún hafi heldur betur vaxið úr grasi og í ár verði um tuttugu viðburðir á Act Alone. „Eins og gerist með margar góðar hugmyndir þá varð þessi stjórnlaus og hélt sína leið, ég þurfti bara að elta.“ Svo umfangsmikil er Act alone-hátíðin orðin að í vor var í fyrsta sinn stofnuð stjórn til að sjá um framkvæmd hennar. Í henni sitja engir aukvisar; Jón Viðar Jónsson, Rakel Garðarsdóttir og Sigurður Pétursson og meðstjórnendur eru þau Ilmur Kristjánsdóttir og Elías Guðmundsson. „Þetta er orðið heljarinnar batterí,“ segir Elfar Logi. „En við höfum samt náð að halda upphaflegu hugmyndinni til streitu. Hún var einfaldlega sú að kynna einleiksformið og bjóða upp á rjómann af einleiksárinu hverju sinni, sem og nýjar, ferskar, tilraunakenndar sýningar.“Bjarni Haukur Þórsson - How to become Icelandic in 60 minutes. Víkingur Kristjánsson - Kistuberi. Álfrún Helga Örnólfsdóttir - Kameljón. Mugison - Heldur tónleika. Helga Arnalds - Skrímslið litla systir mín.Þú hefur sjálfur verið einna ötulastur á landinu við sýningu einleikja, hvað er það við þetta form sem heillar þig svona mikið? „Það er góð spurning. Yfirleitt ræður maður ekki miklu í lífi sínu sem leikari og listamaður og þó mann dreymi kannski stundum um stóra sigra á stórum leiksviðum þá hefur þetta form bara heltekið mig alveg frá því ég byrjaði að fást við það árið 2001. Þannig að formið hefur eiginlega valið mig frekar en öfugt. Þetta er líka rosaleg áskorun og ég held að í þessu formi sjáist það fljótar en í mörgum öðrum hvort hlutirnir ganga upp eða ekki.“ Hátíðin í ár fer fram á Suðureyri, verður þorpið ekki algjörlega undirlagt þessa daga? „Jú, það má segja það. Við höfum hingað til verið á Ísafirði en í fyrra komu til okkar miklir hugsjónamenn í ferðamennskunni og atvinnulífinu á Suðureyri sem sáu sér hag í því að fá Act alone yfir til sín. Svona hátíð fylgir nefnilega fleira en einstök skemmtun. Þetta hefur töluverð áhrif á efnahagskerfið, hvað þá í svona litlu þorpi. Þannig að okkur fannst bara fallegt að færa okkur þarna yfir, enda tilheyrir Suðureyri Ísafjarðarbæ svo við erum ekki að taka hátíðina úr bænum.“ Frítt er inn á alla viðburði hátíðarinnar og Elfar Logi segir það eitt af því sem sett var í stefnuskrá strax í upphafi. „Það hefur alltaf verið frítt inn og mun alltaf verða. Það er óumbreytanlegt.“ Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Sjóðheitar og einhleypar inn í haustið Lífið Ísland með auga fuglsins Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Leiklistarhátíðin Act alone verður haldin á Suðureyri dagana 8.-11. ágúst. Þetta er í tíunda sinn sem hátíðin er haldin og er hún orðin elsta leiklistarhátíð á landinu. Upphafsmaður hennar er Elfar Logi Hannesson leikari. „Þetta gerðist allt mjög hratt, eins og gerist oft hér fyrir vestan,“ segir Elfar Logi Hannesson spurður hvað hafi orðið til þess að hann fór af stað með Act alone-hátíðina fyrir tíu árum. „Oft eru þetta reyndar einhverjar galnar hugmyndir sem ekki komast í framkvæmd, en þessi varð að veruleika, sem betur fer, og er nú orðin elsta leiklistarhátíð landsins og sú stærsta utan höfuðborgarinnar.“ Elfar Logi segir hátíðina til að byrja með hafa verið „lítinn sætan króga“, þrjár sýningar og einn fyrirlestur, en hún hafi heldur betur vaxið úr grasi og í ár verði um tuttugu viðburðir á Act Alone. „Eins og gerist með margar góðar hugmyndir þá varð þessi stjórnlaus og hélt sína leið, ég þurfti bara að elta.“ Svo umfangsmikil er Act alone-hátíðin orðin að í vor var í fyrsta sinn stofnuð stjórn til að sjá um framkvæmd hennar. Í henni sitja engir aukvisar; Jón Viðar Jónsson, Rakel Garðarsdóttir og Sigurður Pétursson og meðstjórnendur eru þau Ilmur Kristjánsdóttir og Elías Guðmundsson. „Þetta er orðið heljarinnar batterí,“ segir Elfar Logi. „En við höfum samt náð að halda upphaflegu hugmyndinni til streitu. Hún var einfaldlega sú að kynna einleiksformið og bjóða upp á rjómann af einleiksárinu hverju sinni, sem og nýjar, ferskar, tilraunakenndar sýningar.“Bjarni Haukur Þórsson - How to become Icelandic in 60 minutes. Víkingur Kristjánsson - Kistuberi. Álfrún Helga Örnólfsdóttir - Kameljón. Mugison - Heldur tónleika. Helga Arnalds - Skrímslið litla systir mín.Þú hefur sjálfur verið einna ötulastur á landinu við sýningu einleikja, hvað er það við þetta form sem heillar þig svona mikið? „Það er góð spurning. Yfirleitt ræður maður ekki miklu í lífi sínu sem leikari og listamaður og þó mann dreymi kannski stundum um stóra sigra á stórum leiksviðum þá hefur þetta form bara heltekið mig alveg frá því ég byrjaði að fást við það árið 2001. Þannig að formið hefur eiginlega valið mig frekar en öfugt. Þetta er líka rosaleg áskorun og ég held að í þessu formi sjáist það fljótar en í mörgum öðrum hvort hlutirnir ganga upp eða ekki.“ Hátíðin í ár fer fram á Suðureyri, verður þorpið ekki algjörlega undirlagt þessa daga? „Jú, það má segja það. Við höfum hingað til verið á Ísafirði en í fyrra komu til okkar miklir hugsjónamenn í ferðamennskunni og atvinnulífinu á Suðureyri sem sáu sér hag í því að fá Act alone yfir til sín. Svona hátíð fylgir nefnilega fleira en einstök skemmtun. Þetta hefur töluverð áhrif á efnahagskerfið, hvað þá í svona litlu þorpi. Þannig að okkur fannst bara fallegt að færa okkur þarna yfir, enda tilheyrir Suðureyri Ísafjarðarbæ svo við erum ekki að taka hátíðina úr bænum.“ Frítt er inn á alla viðburði hátíðarinnar og Elfar Logi segir það eitt af því sem sett var í stefnuskrá strax í upphafi. „Það hefur alltaf verið frítt inn og mun alltaf verða. Það er óumbreytanlegt.“
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Sjóðheitar og einhleypar inn í haustið Lífið Ísland með auga fuglsins Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira