Tobba Marinós ritar sjálfsævisögu sína Álfrún Pálsdóttir skrifar 24. janúar 2013 14:00 Þorbjört Marinósdóttir. Mynd/Anton "Bókin byrjar á því þegar ég eignaðist fyrsta kærasta minn í leikskóla með því að drekka úr drullupolli," segir Þorbjörg Marinósdóttir, rithöfundur og forstöðumaður markaðssviðs Skjásins, en hún hefur hafið skriftir á sinni fjórðu bók. Bókin verður sjálfsævisaga Tobbu. Hún segist lengi hafa verið með fjórðu bókina í maganum, en hafi verið í hálfgerðri sálarkrísu yfir því hvaða stefnu hún ætti að taka. Tobba ákvað að hvíla Lilju, söguhetju fyrri bóka hennar Makalaus og Lýtalaus. "Ég hef verið að velta þessu fyrir mér með fjórðu bókina og um hvað hún ætti að vera. Ég var jafnvel að spá í að gera eitthvað allt annað, skrifa alvarlegra verk og freista þess að verða ekki hent á rafmagnsgirðinguna af gagnrýnendum. Svo ákvað ég bara að halda áfram að gera lífið skemmtilegra og flippa smá," segir Tobba og bætir við að flestum veiti ekki af að láta lyfta sér upp í hversdagslífinu. Af nógu skemmtilegu er að taka í lífi Tobbu, sem segist hafa upplifað ýmislegt klikkað á ævinni sem vert sé að gera skil. Hún er hvorki búin að ákveða hversu nákvæmar lýsingarnar í bókinni verða né hvort öll rétt nöfn fái að halda sér. "Ég var orðin leið á að skrifa um aðra. Þetta verður sjálfsævisaga en ég ætla að taka mér skáldaleyfi á köflum. Söguþráðurinn er byggður á minni ævi og fjölskyldu minnar. Ég á ekki langt að sækja flippið frá skrautlegum einstaklingum innan fjölskyldunnar sem ég vona að ég móðgi ekki með skrifunum. Ég lofa því að bókin verður skrifuð í sátt og samlyndi við fjölskyldumeðlimi." Tobba stefnir á að senda bókina frá sér í byrjun sumars og fara því kvöldin hjá henni í skriftir þessa dagana. "Mig langar til að gefa bókina út í tæka tíð fyrir sumarfríin. Ég er hrifin af því að búa til ódýrar bækur í kiljuformi sem passa í handtöskuna. Ég hef enga þörf fyrir að henda mér í jólabókaflóðið. Svo sjáum við bara til hvort ég nái að klára þetta fyrir sumarið eða ekki." SkutluskáldskapurMakalaus og Lýtalaus.Fyrsta bók Tobbu, Makalaus, kom út árið 2010. Hún vakti athygli og seldist í um fjögur þúsund eintökum. Sama ár gaf hún út bókina Dömusiðir sem var eins konar leiðarvísir kvenna á öllum aldri um hvernig vera skal sönn dama. Árið 2011 var gerð sjónvarpssería upp úr Makalausri þar sem Lilja Katrín Gunnarsdóttir lék aðalhlutverkið. Þættirnir voru sýndir á Skjá Einum. Þriðja bókin, Lýtalaus, leit dagsins ljós árið 2011 og var sjálfstætt framhald af Makalausri. Hún seldist einnig í hátt í fjögur þúsund eintökum. Menning Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Stjörnulífið: „Set jólatréð upp í október eftir þetta ár“ Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
"Bókin byrjar á því þegar ég eignaðist fyrsta kærasta minn í leikskóla með því að drekka úr drullupolli," segir Þorbjörg Marinósdóttir, rithöfundur og forstöðumaður markaðssviðs Skjásins, en hún hefur hafið skriftir á sinni fjórðu bók. Bókin verður sjálfsævisaga Tobbu. Hún segist lengi hafa verið með fjórðu bókina í maganum, en hafi verið í hálfgerðri sálarkrísu yfir því hvaða stefnu hún ætti að taka. Tobba ákvað að hvíla Lilju, söguhetju fyrri bóka hennar Makalaus og Lýtalaus. "Ég hef verið að velta þessu fyrir mér með fjórðu bókina og um hvað hún ætti að vera. Ég var jafnvel að spá í að gera eitthvað allt annað, skrifa alvarlegra verk og freista þess að verða ekki hent á rafmagnsgirðinguna af gagnrýnendum. Svo ákvað ég bara að halda áfram að gera lífið skemmtilegra og flippa smá," segir Tobba og bætir við að flestum veiti ekki af að láta lyfta sér upp í hversdagslífinu. Af nógu skemmtilegu er að taka í lífi Tobbu, sem segist hafa upplifað ýmislegt klikkað á ævinni sem vert sé að gera skil. Hún er hvorki búin að ákveða hversu nákvæmar lýsingarnar í bókinni verða né hvort öll rétt nöfn fái að halda sér. "Ég var orðin leið á að skrifa um aðra. Þetta verður sjálfsævisaga en ég ætla að taka mér skáldaleyfi á köflum. Söguþráðurinn er byggður á minni ævi og fjölskyldu minnar. Ég á ekki langt að sækja flippið frá skrautlegum einstaklingum innan fjölskyldunnar sem ég vona að ég móðgi ekki með skrifunum. Ég lofa því að bókin verður skrifuð í sátt og samlyndi við fjölskyldumeðlimi." Tobba stefnir á að senda bókina frá sér í byrjun sumars og fara því kvöldin hjá henni í skriftir þessa dagana. "Mig langar til að gefa bókina út í tæka tíð fyrir sumarfríin. Ég er hrifin af því að búa til ódýrar bækur í kiljuformi sem passa í handtöskuna. Ég hef enga þörf fyrir að henda mér í jólabókaflóðið. Svo sjáum við bara til hvort ég nái að klára þetta fyrir sumarið eða ekki." SkutluskáldskapurMakalaus og Lýtalaus.Fyrsta bók Tobbu, Makalaus, kom út árið 2010. Hún vakti athygli og seldist í um fjögur þúsund eintökum. Sama ár gaf hún út bókina Dömusiðir sem var eins konar leiðarvísir kvenna á öllum aldri um hvernig vera skal sönn dama. Árið 2011 var gerð sjónvarpssería upp úr Makalausri þar sem Lilja Katrín Gunnarsdóttir lék aðalhlutverkið. Þættirnir voru sýndir á Skjá Einum. Þriðja bókin, Lýtalaus, leit dagsins ljós árið 2011 og var sjálfstætt framhald af Makalausri. Hún seldist einnig í hátt í fjögur þúsund eintökum.
Menning Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Stjörnulífið: „Set jólatréð upp í október eftir þetta ár“ Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira