Barcelona íhugar að byggja nýjan heimavöll

Heimavöllur Barcelona, Camp Nou, er einn sá glæsilegasti í Evrópu. Þrátt fyrir það er Barcelona að íhuga að byggja nýjan völl sem myndi aðeins taka um 5.000 fleiri áhorfendur.

Sá völlur myndi rúma 105 þúsund áhorfendur og verða einn stærsti knattspyrnuleikvangur heims.

Ákvörðun verður tekin um það á næsta ári hvort félagið ætli sér að stækka Camp Nou eða byggja nýjan völl á nýjum stað í borginni.

Ekki verður þó farið í að byggja völlinn sem var kynntur til leiks árið 2007 því hann þykir einfaldlega vera allt of dýr.