Neymar áfram á skotskónum þegar Barcelona fór áfram í bikarnum

Barcelona tryggði sér sæti í sextán liða úrslitum spænsku bikarkeppninnar í fótbolta eftir 3-0 sigur í seinni leiknum á móti C-deildarliðinu Cartagena en Börsungar unnu samanlagt 7-1. Leikurinn í kvöld fór fram á Camp Nou en Barcelona vann fyrri leikinn 4-1 á heimavelli Cartagena.

Pedro Rodríguez skoraði fyrra markið á 31. mínútu eftir sendingu frá Martín Montoya en annað markið var sjálfsmark á 70. mínútu eftir undirbúning þeirra Cristian Tello og Neymar.

Neymar innsiglaði síðan sigurinn með skallamarki á 88. mínútu en hann hefur skorað sex mörk í síðustu þremur leikjum liðsins í öllum keppnum.

Þetta var næstsíðasti leikur Barcelona á árinu 2013 en lokaleikurinn er í deildinni á móti Getafe um næstu helgi.

Úrslitin í spænska bikarnum í kvöld:

Levante - Recreativo Huelva 4-0 (samanlagt 4-1)

Getafe - Girona 4-1 (5-2)

Elche - Villarreal 0-1 (0-1)

Osasuna - Málaga 1-1 (4-4, Osasuna áfram á útivallarmörkum)

Barcelona - Cartagena 3-0 (7-1)