Manchester United er komið áfram í 16-liða úrslit Meistaradeildar Evrópu eftir sannkallaðan stórsigur á Bayer Leverkusen á útivelli, 5-0.
Wayne Rooney fór mikinn í liði United en hann lagði upp fyrstu fjögur mörk leiksins. Fyrst fyrir Antonio Valencia en United komst svo í 2-0 eftir að Emir Spahic skallaði aukaspyrnu Rooney í eigið mark.
Jonny Evans skoraði svo þriðja markið er hann fylgdi eftir skoti Rooney á 65. mínútu en fjórða markið skoraði Chris Smalling eftir sendingu Rooney. Nani bætti svo fimmta markinu við eftir að Rooney var farinn af velli.
Þetta er stærsti útivallasigur United í Meistaradeildinni á útivelli frá upphafi en þess ber að geta að Leverkusen er í öðru sæti þýsku úrvalsdeildinni og ósigrað á heimavelli í deildinni þetta tímabilið.
Rooney fór á kostum í stórsigri United
Eiríkur Stefán Ásgeirsson skrifar

Mest lesið



Benedikt hættur með Tindastól
Körfubolti

Stúkan: „Bera virðingu fyrir leiknum og andstæðingnum“
Íslenski boltinn

„Draumar rætast“
Fótbolti





Walker í vandræðum og verður ekki áfram hjá City
Enski boltinn