Real ætlar ekki að bjóða í Suarez í janúar

Luis Suarez, framherji Liverpool, var sterklega orðaður við Real Madrid í sumar. Ekkert varð þó af því að hann færi frá Liverpool.

Stuðningsmenn Liverpool þurfa ekki að hafa áhyggjur af því að Suarez fari til Madrid í janúar því Real ætlar ekki að leggja inn tilboð í Suarez þá.

"Við ætlum ekki að kaupa neinn leikmann í janúar," sagði forseti félagsins, Florentino Perez, á stjórnarfundi í gær.

Suarez er búinn að afplána tíu leikja bann sitt fyrir að bíta Branislav Ivanovic og mun spila gegn Man. Utd í deildarbikarnum á miðvikudag.