Aðeins einn kóngur í Madrid | Ronaldo tæklaði Bale niður á æfingu

Gareth Bale er byrjaður að æfa á fullu með spænska liðinu Real Madrid en félagið keypti leikmanninn yfir til Spánar á dögunum frá Tottenham Hotspur fyrir heimsmetfé.

Fyrrum dýrasti maður sögunnar Cristiano Ronaldo hefur verið leikmaður Real Madrid síðan árið 2009 og verið kóngurinn í Madrid alveg frá fyrsta degi.

Það er spurning hvort að það sé pláss fyrir tvær ofurstjörnur í Madrid en Ronaldo lét Bale finna fyrir því á æfingu í morgun þegar hann tæklaði leikmanninn niður eins og sjá má á myndunum sem fylgja fréttinni.